ଅହମ୍ମଦାବାଦ : ଦମ୍ ଦେଖାଇଲେ ଡିଭିଲିୟର୍ସ । ଆଜି ଖେଳାଯାଇଥିବା ମ୍ୟାଚରେ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ଦିଲ୍ଲୀ କ୍ୟାପିଟାଲ୍ସ ଆଗରେ ୧୭୨ ରନର ବିଜୟ ଲକ୍ଷ୍ୟ ରଖିଛି । ମ୍ୟାଚରେ ଡିଭିଲିୟର୍ସଙ୍କ ୪୨ ବଲ୍ରୁ ୭୫ ରନର ଅପରାଜିତ ବିସ୍ଫୋରକ ଇନିଂସ ବଳରେ ଆରସିବି ନିର୍ଦ୍ଧାରିତ ଓଭରରେ ୫ ଓ୍ଵିକେଟ୍ ହରାଇ ୧୭୧ ରନ କରିଛି ।
ପ୍ରଥମେ ବ୍ୟାଟିଂ କରିଥିବା ବାଙ୍ଗାଲୋର ଆରମ୍ଭରୁ ବିପର୍ଯ୍ୟୟର ସମ୍ମୁଖୀନ ହୋଇଥିଲା । କ୍ୟାପଟେନ୍ ବିରାଟ୍ କୋହଲି ମାତ୍ର ୧୨ ରନ କରି ଆଉ ହୋଇଥିଲେ । ତାଙ୍କ ପରେ ପରେ ପ୍ୟାଭିଲିୟନଙ୍କୁ ଫେରିଥିଲେ ଦେବଦତ୍ତ ପାଡିକାଲ । ପାଳି ସମ୍ଭାଳିବାକୁ ଗ୍ଲେନ୍ ମ୍ୟାକ୍ସଓ୍ବେଲ ଆସିଥିଲେ ବି ସଫଳ ହୋଇନଥିଲେ । ସେ ମାତ୍ର ୨୫ ରନ ଆଉଟ୍ ହୋଇଥିଲେ । ପରେ ବ୍ୟାଟିଂ କରିବାକୁ ଆସିଥିବା ଡି ଭିଲିୟର୍ସ ଖେଳିଥିଲେ ବିସ୍ଫୋରକ ଇନିଂସ । ସେ ମାତ୍ର ୪୨ ବଲରୁ ୭୫ ରନ କରି ନଟଆଉଟ ରହିଥିଲେ । ସେହିପରି ରଜତ ପଟିଦାର ୩୧ ରନ କରିବାରେ ସକ୍ଷମ ହୋଇଥିଲେ । ଫଳରେ ଆରସିବି ନିର୍ଦ୍ଧାରିତ ଓଭରରେ ୫ ଓ୍ବିକେଟ୍ ହରାଇ ୧୭୧ ରନ କରିବାରେ ସକ୍ଷମ ହୋଇଥିଲା ।
ଦିଲ୍ଲୀ ପକ୍ଷରୁ ଇଶାନ୍ତ ଶର୍ମା, ରାବଡ଼ା, ଅବେଶ ଖାନ୍, ଅମିତ ମିଶ୍ରା ଓ ଅକ୍ଷର ପଟେଲ ଗୋଟିଏ ଲେଖାଏଁ ଓ୍ବିକେଟ୍ ଅକ୍ତିଆର କରିଥିଲେ ।
Comments are closed.