ନୂଆଦିଲ୍ଲୀ : ଜାନୁଆରୀ ୨୬ରେ ଟ୍ରାକ୍ଟର ରାଲି ସମୟରେ ଦିଲ୍ଲୀ ଲାଲକିଲ୍ଲାରେ ହୋଇଥିବା ହିଂସା ଘଟଣାରେ ଆଉ ଜଣେ ଗିରଫ ହୋଇଛି । ଗିରଫ ଅଭିଯୁକ୍ତ ହେଲା ଯଶପ୍ରୀତ ସିଂହ । ସେ ଲାଲ୍ କିଲ୍ଲା ଉପରକୁ ଚଢ଼ିବା ସହିତ ଖଣ୍ଡା ବୁଲାଇଥିଲା । ଆଜି ଯଶପ୍ରୀତକୁ ଗିରଫ କରିବାରେ ସଫଳ ହୋଇଛି ଦିଲ୍ଲୀ ପୋଲିସ । ପୂର୍ବରୁ ଏହି ଘଟଣାରେ ଅନେକ ଲୋକଙ୍କୁ ଗିରଫ କରାଯାଇଥିବା ବେଳେ, ଆହୁରି କିଛି ଲୋକଙ୍କୁ ଖୋଜୁଛି ପୋଲିସ ।
ଜାନୁଆରୀ ୨୬ରେ ଟ୍ରାକ୍ଟର ରାଲି ପାଇଁ ସ୍ଥିର ହୋଇଥିବା ରାସ୍ତା ଛାଡ଼ି ଅନ୍ୟ ରାସ୍ତାରେ ଚାଷୀ ପ୍ରବେଶ କରି ଆସିଥିଲେ। ପରେ ହିଂସା ହୋଇଥିଲା। ଉପଦ୍ରବକାରୀଙ୍କ ଆକ୍ରମଣରେ ଶତାଧିକ ପୋଲିସ କର୍ମଚାରୀ ଆହତ ହୋଇଥିଲେ । ହିଂସାକାଣ୍ଡ ଘଟାଇଥିବା ସମସ୍ତ ଲୋକଙ୍କୁ ଚିହ୍ନଟ କରି ଗିରଫଦାରି ଅଭିଯାନ ଜାରି ରଖିଛି ପୋଲିସ ।
Comments are closed.