ହିଂସା ଉସକାଉଥିବା ଅଭିଯୋଗରେ କଂଗ୍ରେସର ପୂର୍ବତନ ମ୍ୟୁନିସିପାଲ କାଉଂସିଲର ଗିରଫ

ନୂଆଦିଲ୍ଲୀ: କଂଗ୍ରେସର ପୂର୍ବତନ ମ୍ୟୁନିସିପାଲ କାଉଂସିଲ ଇଶରତ ଜହାଁକୁ ପୋଲିସ ଗିରଫ କରିଛି । ହିଂସାକୁ ଉସ୍‌କାଉଥିବା ଅଭିଯୋଗରେ ଶନିବାର ପୋଲିସ ତାଙ୍କୁ ଗିରଫ କରିଛି । ଗତ ସୋମବାର ଓ ମଙ୍ଗଲବାର ଜଗତପୁରୀ ଅଂଚଳରେ ହୋଇଥିବା ସାମ୍ପ୍ରଦାୟିକ ହିଂସାରେ ଇଶରତ ସାମିଲ ଥିବା ଅଭିଯୋଗ ହୋଇଛି । ତାଙ୍କ ନାଁରେ ପୋଲିସ ଏକ ମାମଲା ରୁଜୁ କରି ଇଶରତଙ୍କୁ କୋର୍ଟରେ ହାଜର କରାଯାଇଥିଲା । ଏହି ମାମଲାରେ କୋର୍ଟ ଶୁଣାଣି କରି ତାଙ୍କ ଜାମିନ ଖାରଜ କରିବା ସହ ତାଙ୍କୁ ୧୪ ଦିନ ପାଇଁ ନ୍ୟାୟିକ ତଦନ୍ତ ହାଜତକୁ ପଠାଇ ଦେଇଛନ୍ତି ।
ସୂଚନାଯୋଗ୍ୟ ଯେ, ଗତ ୫୦ ଦିନ ହେଲା ଇଶରତ ସିଏଏ ବିରୋଧରେ ଆନ୍ଦୋଳନ କରିଆସୁଥିଲେ । ସେହିପରି ଉତ୍ତର-ପୂର୍ବ ଦିଲ୍ଲୀରେ ଗତ କିଛି ଦିନ ହେବ ନାଗରିକତା ସଂଶୋଧନ ଆଇନ୍ ବିରୋଧରେ ହିଂସା ଉଗ୍ର ରୂପ ନେଇଥିଲା । ଏଥିରେ ପ୍ରାୟ ୩୦ରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ଏବେ କିନ୍ତୁ ସ୍ଥିତି ସୁଧୁରିବାରେ ଲାଗିଛି ।