ପୁରୀ: ଶ୍ରୀମନ୍ଦିର ପରିସରରେ ଗୁରୁବାର ଦିନ ସକାଳେ ଅସୁସ୍ଥ ହୋଇପଡିଥିବା ଜଣେ ଭକ୍ତଙ୍କର ମୃତ୍ୟୁ ଘଟିଛି ।
ପ୍ରାପ୍ତ ସୂଚନା ଅନୁଯାୟୀ, ମୃତକ ଜଣଙ୍କ ହେଉଛନ୍ତି ଅନୁରାତ ସିଂହ (୬୭) । ମଧ୍ୟପ୍ରଦେଶରୁ ମହାପ୍ରଭୁ ଜଗନ୍ନାଥଙ୍କ ଦର୍ଶନ ନିମନ୍ତେ ଅନୁରାତ ନିଜ ପରିବାର ଲୋକଙ୍କ ସହ ପୁରୀ ଆସିଥିଲେ ।
ଆଜି ସକାଳ ପ୍ରାୟ ୮ଟା ବେଳେ ପରିବାରର ସଦସ୍ୟଙ୍କ ସହ ମହାପ୍ରଭୁଙ୍କୁ ଦର୍ଶନ କରି ଅନୁରାତ ଫେରୁଥିବା ବେଳେ ମନ୍ଦିର ପରିସର ମଧ୍ୟରେ ଅସୁସ୍ଥ ଅନୁଭବ କରିଥିଲେ ।
ସେଠାରୁ ତତକ୍ଷଣାତ ତାଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନା ନିଆଯାଇଥିଲା। ତେବେ ଡାକ୍ତର ତାଙ୍କୁ ମୃତ ସେଠାରେ ମୃତ ବୋଲି ଘୋଷଣା କରିଛନ୍ତି।
ସିଂହଦ୍ୱାର ଥାନା ପୁଲିସ ଅପମୃତ୍ୟୁ ମାମଲା ରୁଜୁ କରି ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ପାଠାଇଛି ।
Comments are closed.