ଧାମନଗର: ଧାମନଗର ଭୋଟ୍ ଗଣତି କଡ଼ା ସୁରକ୍ଷା ବଳୟ ମଧ୍ୟରେ ଜାରି ରହିଛି । ୩ୟ ରାଉଣ୍ଡ ଶେଷ ସୁଦ୍ଧା ବିଜେପି ପ୍ରାର୍ଥୀ ସୂର୍ଯ୍ୟବଂଶୀ ସୂରଜ ଆଗୁଆ ରହିଛନ୍ତି । ଗତ ଦୁଇ ରାଉଣ୍ଡରେ ମଧ୍ୟ ସୂରଜ ଆଗୁଆ ଥିଲେ । ୩ୟ ରାଉଣ୍ଡରେ ସୂରଜ ୧୨,୮୯୨ ଭୋଟ ପାଇ ଆଗରେ ରହିଛନ୍ତି । ତାଙ୍କ ପଛକୁ ବିଜେଡି ପ୍ରାର୍ଥୀ ୧୦,୮୫୯ ଭୋଟ୍, କଂଗ୍ରେସ ପ୍ରାର୍ଥୀ ୩୧୩ ଭୋଟ୍ ପାଇଥିବା ବେଳେ ସ୍ୱାଧୀନ ପ୍ରାର୍ଥୀ ୧୦୯୪ ଭୋଟ୍ ପାଇଛନ୍ତି ।
୧୪ଟି ଟେବୁଲରେ ଭୋଟ ଗଣତି ଜାରି ରହିଛି । ସକାଳ ୮ଟାରୁ ଆରମ୍ଭ ହେବ ଭୋଟ୍ ଗଣତି ଆରମ୍ଭ ହୋଇଥିଲା । ପ୍ରଥମେ ପୋଷ୍ଟାଲ ବାଲାଟ୍ ଗଣତି, ସାଢେ ୮ଟାରୁ ଇଭିଏମ୍ ଗଣତି ଜାରି ରହିଛି । ୧୮ ରାଉଣ୍ଡରେ ହେବ ଭୋଟ୍ ଗଣତି । ୨୫୨ବୁଥ୍ ରୁ ଭିଭିପାଟ୍ କୁ ଗଣନା କେନ୍ଦ୍ରକୁ ଅଣାଯାଇ ଗଣତି ହେଉଛି ।
ଭୋଟ୍ ଗଣତି ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । କେନ୍ଦ୍ର ଭିତରେ ଓ ବାହାରେ ଫୋର୍ସ ରହିଛନ୍ତି । ସିପିଏମ୍ଏଫ୍, ରାଜ୍ୟ ସଶସ୍ତ୍ର ପୋଲିସ ଓ ଓଡ଼ିଶା ପୋଲିସ ତିନି ସୁରକ୍ଷା ବଳୟ ମଧ୍ୟରେ ଅଛ୍ତି । ଭୋଟ୍ ଗଣତିର ଫଳାଫଳ ନିର୍ବାଚନ ଆୟୋଗର ଓ୍ୱେବସାଇଟ୍ results.eci.gov.in. ରେ ପ୍ରକାଶ ପାଇବ ।
Comments are closed.