ମୁମ୍ବାଇ: ବଲିଉଡ ଅଭିନେତ୍ରୀ ଦିୟା ମିର୍ଜା ମାଆ ହେବାକୁ ଯାଉଛନ୍ତି । ଫେବୃୟାରୀ ୧୫ରେ ସେ ବ୍ୟବସାୟୀ ବୈଭବ ରେଖିଙ୍କ ସହ ବିବାହ ବନ୍ଧନରେ ଆବଦ୍ଧ ହୋଇଥିଲେ । ବାହାଘରର ଦେଢ଼ ମାସ ପରେ ଦିୟା ମିର୍ଜା ସୋସିଆଲ ସାଇଟରେ ଏହି ଖୁସି ଖବର ଜଣାଇଛନ୍ତି । ଗୁରୁବାର ଇନଷ୍ଟାଗ୍ରାମ ଆକାଂଉଟରେ ସେ ଏକ ଫଟୋ ଶେୟାର କରି ବେବୀ ବମ୍ପ ଦେଖାଉଛନ୍ତି । ଏହି ଫଟୋକୁ ବୈଭବ ଉଠାଇଛନ୍ତି ।
ପୂର୍ବରୁ ଉଭୟ ମାଳଦୀପରେ ହନିମୁନ ପାଇଁ ଯାଇଥିବା ବେଳେ ଅନେକ ଫଟୋ ଶେୟାର କରିଥିଲେ । ଦିୟାଙ୍କ ଏହା ଦ୍ୱିତୀୟ ବିବାହ । ପୂର୍ବରୁ ସେ ୨୦୧୪ରେ ସାହିଲ ସଂଘାଙ୍କୁ ବିବାହ କରିଥିଲେ । ୨୦୧୯ରେ ଆପୋଷ ବୁଝାମଣାରେ ଉଭୟ ପରସ୍ପରକୁ ଛାଡପତ୍ରକୁ ଦେଇଥିଲେ । ବୈଭବ ଏବଂ ତାଙ୍କ ପ୍ରଥମ ପତ୍ନୀଙ୍କ ଝିଅ ସମାୟାରା ଏମାନଙ୍କ ସହ ରହୁଛନ୍ତି । ଛାଡପତ୍ର ପରେ ବୈଭବଙ୍କ ମଧ୍ୟ ଏହା ଦ୍ୱିତୀୟ ବିବାହ ।
Comments are closed.