ଆମିଷ ଭୋଜନ ପ୍ରତି ସମସ୍ତେ ଆଶକ୍ତ ଥାଆନ୍ତି । ବିଶେଷ କରି ମାଛ ଖାଇବାକୁ ଲୋକେ ଅଧିକ ପସନ୍ଦ କରିଥାଆନ୍ତି । ମାଛରେ ସବୁ ପ୍ରକାରର ପୁଷ୍ଟିକର ଉପାଦାନରେ ଭରପୂର ରହିଥାଏ । ମାଛରେ ଓମେଗା ଫ୍ୟାଟି ଏସିଡ୍, ଭିଟାମିନ୍ ଡି ଏବଂ ଅନ୍ୟାନ୍ୟ ପୋଷକ ତତ୍ତ୍ୱ ସହିତ ପ୍ରୋଟିନ୍, ହେଲଥି ଚର୍ବି ଥାଏ ।ମାଛ ଖାଇବା ଦ୍ୱାରା ହୃଦ୍ରୋଗ ସମେତ ଅନେକ ରୋଗରୁ ରକ୍ଷା ମିଳେ। ହେଲେ ଅଧିକ ମାଛ ଖାଇବା ଆପଣଙ୍କ ସ୍ୱାସ୍ଥ୍ୟ ପାଇଁ ବିପଦଜନକ ହୋଇପାରେ।
ଆମେରିକାର ଏକ ଅଧ୍ୟୟନରୁ ଜଣାପଡିଛି ଯେ ମାଛ ଅଧିକ ଖାଇବା ଦ୍ୱାରା ଚର୍ମ କର୍କଟ ହେବାର ଆଶଙ୍କା ବଢିପାରେ।୪ ଲକ୍ଷ ୯୧ହଜାର ୩୬୭ ଲୋକଙ୍କ ଉପରେ କରାଯାଇଥିବା ଅନୁସନ୍ଧାନରେ ଏହା ପ୍ରକାଶ ପାଇଛି ।
ଗବେଷକଙ୍କ ମତ ଅନୁଯାୟୀ, ବାଷ୍ପିତ ମାଛ ଖାଇବା ସ୍ୱାସ୍ଥ୍ୟ ପାଇଁ ଲାଭଦାୟକ ହୋଇଥାଏ । କିନ୍ତୁ ଭଜା ମାଛ ଖାଇବା ମଧ୍ୟ କ୍ଷତିକାରକ ବୋଲି ପ୍ରମାଣିତ ହୋଇପାରେ । ତେଲରେ ମାଛ ଭାଜିବା ଦ୍ୱାରା ଏହା ଭିତରେ ଥିବା ଓମେଗା -3 ଫ୍ୟାଟି ଏସିଡ୍ ପରିମାଣ କମିଯାଏ । ଡାକ୍ତରମାନେ ମଧ୍ୟ ବିଶ୍ୱାସ କରନ୍ତି ଯେ ମାଛକୁ ସପ୍ତାହରେ ଥରେ ଖାଇବା ଉଚିତ୍। ଏହାଠାରୁ ଅଧିକ ଆପଣଙ୍କ ତ୍ୱଚା ପାଇଁ ବିପଦଜ୍ଜନକ ହୋଇପାରେ ।
ମାଛ ହେଉଛି ସମୁଦ୍ର ଖାଦ୍ୟ ତଥା ସି ଫୁଡ୍ । ଏହାକୁ ଖାଇବା ପୂର୍ବରୁ ଏହାକୁ ଭଲ ଭାବରେ ଯାଞ୍ଚ କରନ୍ତୁ ଯେ ଏହା ଠିକ ଅଛି କି ନାହିଁ। ଅନ୍ୟଥା, ଏହାକୁ ଅତ୍ୟଧିକ ଖାଇବା ଦ୍ଵାରା ଚର୍ମରେ କୁଣ୍ଡାଇ ହେବା, ନାଲି ଦାଗ, ଆଲର୍ଜି ଭଳି ସମସ୍ୟା ସୃଷ୍ଟି ହୋଇପାରେ ।
ମାଛ ଖାଇବା ଦ୍ୱାରା ଏହା ମସ୍ତିଷ୍କ ଉପରେ ଖରାପ ପ୍ରଭାବ ପକାଇଥାଏ । ଏହା ସ୍ମରଣ ଶକ୍ତି ହରାଇବା ରୋଗ ସମସ୍ୟା ଦେଖାଦିଏ।
ଗର୍ଭାବସ୍ଥାରେ ଅଧିକ ମାଛ ଖାଇବା ଦ୍ୱାରା ଗର୍ଭପାତ ହେବାର ଆଶଙ୍କା ବଢିଥାଏ ।