ପୁରୀରେ ଭକ୍ତଙ୍କ ସୁରକ୍ଷା ପାଇଁ ମକଡ୍ରିଲ୍‌

ଆଉ କିଛି ଦିନ ପରେ ପାଳିତ ହେବ ବିଶ୍ୱ ପ୍ରସିଦ୍ଧ ରଥଯାତ୍ରା । ସେଥିପାଇଁ ଏବେ ପ୍ରସ୍ତୁତି ଜୋରସୋରରେ କରାଯାଇଛି । ୪୦ଲକ୍ଷରୁ ଅଧିକ ଲୋକ ଏଥର ପୁରୀ ରଥଯାତ୍ରାକୁ ଆସିବେ ବୋଲି ଅନୁମାନ କରାଯାଉଛି । ଭକ୍ତଙ୍କ ସୁରକ୍ଷାକୁ ପାଇଁ ବିଭିନ୍ନ ପ୍ରକାର ପଦକ୍ଷେପ ଗ୍ରହଣ କରାଯାଇଛି । ପହଲଗ୍ରାମ ଆକ୍ରମଣ ପରେ ସୁରକ୍ଷାକୁ ବେଶୀ ଗୁରୁତ୍ୱ ଦିଆଯାଇଛି । ଶ୍ରୀମନ୍ଦିରରେ ଯଦି କୌଣସି ଆକ୍ରମଣ ହୁଏ କିମ୍ବା ଜରୁରୀକାଳୀନ ପରିସ୍ଥିତି ହୁଏ କଣା କରାଯିବା ଦରକାର ସେ ବାବଦରେ ମକଡ୍ରିଲ ହୋଇଛି । ୧୧ଟି ସୁରକ୍ଷା ଏଜେନ୍ସିକୁ ନେଇ ମକଡ୍ରିଲ ହୋଇଛି । କେମିତି ହୋଇଥିଲା ମକଡ୍ରିଲ ଆସନ୍ତୁ ଜାଣିବା ।
ସିଂହଦ୍ୱାର ସମ୍ମୁଖ ବାଗେଡିଆ ଧର୍ମଶାଳାକୁ ପ୍ରତୀକାତ୍ମକ ଶ୍ରୀମନ୍ଦିର ଭାବରେ ନିଆଯାଇଥିଲା । ଏହି ବିଲ୍ଡିଂରେ ୩ଜଣ ଆତଙ୍କବାଦୀ ପଶି ଲୋକଙ୍କୁ ପଣବନ୍ଦୀ କରିଥିଲେ । ପ୍ରଥମ ସୁରକ୍ଷା ଏଜେନ୍ସି ଭାବରେ ଓଡିଶା ପୋଲିସ କଂଟ୍ରୋଲ ରୁମରୁ ମ୍ୟାସେଜ ଯାଇଥିଲା । ଆଉ ମ୍ୟାସେଜ ପାଇବା ପରେ ସ୍ପେଶିଆଲ ଟାକ୍ଟିକାଲ ୟୁନିଟର କ୍ରିଉ ମେମ୍ବରମାନେ ସ୍ପିଡ ବାଇକରେ ଯାଇ ପହଞ୍ଚିଥିଲେ । STU ରେସ୍କ୍ୟୁ ପାଇଁ ପ୍ରଥମେ ରୁଟ ମ୍ୟାପ କରିଥିଲା । ଏହାପରେ ଫାୟାରର ଗୋଟିଏ ଟିମ୍ ଲିଫ୍ଟ ସାହାଯ୍ୟରେ ଉପରକୁ ଯାଇଥିଲା ବେଳେ ଅନ୍ୟ ଟିମ୍ ବିଲ୍ଡିଂ ଭିତରକୁ ଯାଇଥିଲେ । ସେହିପରି ଗୋଟିଏ ଟିମ୍ ଷ୍ଟିଲ ଲ୍ୟାଡର ଓ ଅନ୍ୟ ଟିମ ସିଡି ରାସ୍ତା ଦେଇ ପ୍ରବେଶ କରି ଆତଙ୍କବାଦୀଙ୍କୁ ନିପାତ କରିଥିଲେ । ଏହାପରେ ଆଗରୁ ପ୍ରସ୍ତୁତ ହୋଇ ରହିଥିବା ଆମ୍ବୁଲାନ୍ସରେ ଉଦ୍ଧାର ହୋଇଥିବା ହୋଷ୍ଟେଜ ମାନଙ୍କୁ ମେଡିକାଲକୁ ନିଆଯାଇଥିଲା । ଫାୟାର ବାହିନୀ ଅଗ୍ନି ନିର୍ବାପନ ମକଡ୍ରିଲ ଦେଖାଇଥିଲା । ସବୁ ଏଜେନ୍ସି ବିପଦ ଆସିଲେ କାମ କରିବେ ତାହାକୁ ଦେଖାଯାଇଥିଲା । କୌଣସି ସଙ୍କେତ ମିଳିଲେ କଣ କରାଯିବ ତାହାକୁ ମକଡ୍ରିଲ କରାଯାଇଥିଲା ।