ହୋଲିରେ ପୋଲିସ ସ୍କାନରରେ ରହିବେ ମଦୁଆ ଡ୍ରାଇଭର: ଡିସିପି

ଭୁବନେଶ୍ୱର: ହୋଲିରେ ସାବାଡ ହେବେ ମଦୁଆ ଡ୍ରାଇଭର । ରାଜଧାନୀ ଭୁବନେଶ୍ୱରକୁ ଜଗିବେ ୧୬ ପ୍ଲାଟୁନ ପୋଲିସ ଫୋର୍ସ । ୨୮ଟି ଜାଗାରେ ହେବ ନାକାବନ୍ଦୀ । ଏନେଇ ଡିସିପି ଅନୁପ ସାହୁ ଆଜି ସୂଚନା ଦେଇଛନ୍ତି ।
ରାଜ୍ୟରେ ନିରାପଦ ଭାବେ ହୋଲି ପାଳନ ପାଇଁ କମିଶନରେଟ୍ ପୋଳିସ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ହୋଲି ଖେଲିବା ବେଳେ ସତର୍କତ ଅବଲମ୍ବନ ପାଇଁ ଭୁବନେଶ୍ୱର ଡିସିପି ଅନୁପ ସାହୁ ପରାମର୍ଶ ଜାରି କରିଛନ୍ତି । ଏହା ବ୍ୟତୀତ ଆଇନ ଓ ଶୃଙ୍ଖଳାକୁ ବଜାୟ ରଖିବା ପାଇଁ ୧୭ଟି ପିସିଆର୍ ଭ୍ୟାନ୍ ପାଟ୍ରୋଲିଂ କରିବେ । ୨୮ଟି ସ୍ଥାନରେ ଜୋର୍‌ଦାର ଚେକିଂ ହେବ । ଦ୍ରୁତ ଗାଡି ଚାଳନା ଓ ମଦ୍ୟପ ଚାଳକଙ୍କ ଉପରେ ପୋଲିସର କଡା ନଜର ରହିବ ବୋଲି ଡିସିପି କହିଛନ୍ତି ।