ଭୁବନେଶ୍ଵର: ଆଞ୍ଚଳିକ ଭିତ୍ତିଭୂମି କ୍ଷେତ୍ରରେ ଏକ ଗୁରୁତ୍ୱପୂର୍ଣ୍ଣ ବିକାଶକୁ ଦୃଷ୍ଟିରେ ରଖି ପୂର୍ବତଟ ରେଳପଥ ରାୟଗଡା ରେଳ ମଣ୍ଡଳ କାର୍ଯ୍ୟାଳୟ ନିର୍ମାଣ ପାଇଁ ଟେଣ୍ଡର ଆହ୍ୱାନ କରିଛି। ନିକଟରେ ମାନ୍ୟବର ରେଳମନ୍ତ୍ରୀ ଏହି ପ୍ରକଳ୍ପ ପ୍ରତିଷ୍ଠା ପାଇଁ ୭୦ କୋଟି ଟଙ୍କା ବ୍ୟୟ ବରାଦ କରିଛନ୍ତି । ଏହି ପ୍ରକଳ୍ପର ଡିଜାଇନ୍ ଶେଷ ପର୍ଯ୍ୟାୟରେ ଅଛି ବୋଲି ସୂଚନା ଦେଇଥିଲେ ରେଳମନ୍ତ୍ରୀ l ରେଳ ଭିତ୍ତିଭୂମି ବୃଦ୍ଧି ତଥା ଏହି ଅଞ୍ଚଳରେ ଅର୍ଥନୈତିକ ଅଭିବୃଦ୍ଧି ପାଇଁ ସରକାରଙ୍କ ଉତ୍ସର୍ଗୀକୃତତାକୁ ଦର୍ଶାଇ ଏହି ପ୍ରକଳ୍ପ ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି। ଟେଣ୍ଡରର ପରିସର ମଧ୍ୟରେ ରେଳମଣ୍ଡଳ କାର୍ଯ୍ୟାଳୟ, କର୍ମଚାରୀ କ୍ୱାର୍ଟର୍ସ ଏବଂ ବିଭିନ୍ନ ଆନୁଷଙ୍ଗିକ ସୁବିଧା ଗୁଡିକର ନିର୍ମାଣ କାର୍ଯ୍ୟ ଅନ୍ତର୍ଭୁକ୍ତ ରହିଛି l
ଏହି ନୂତନ ରେଳମଣ୍ଡଳ ଜାତୀୟ ରାଜପଥ ୩୨୬ ପାର୍ଶ୍ୱ ରାୟଗଡା ରେଳ ଷ୍ଟେସନ ନିକଟରେ ଥିବା ଛଅଟି ଭିନ୍ନଭିନ୍ନ ସ୍ଥାନରେ ପ୍ରାୟ ୧୨୫.୭୮ ଏକରରେ ଅବସ୍ଥିତ । କେବଳ ମଣ୍ଡଳ ରେଳବାଇ ପ୍ରବନ୍ଧକଙ୍କ କାର୍ଯ୍ୟାଳୟ ୧୪.୩୦ ଏକର ଜମିରେ ହେବାକୁ ଥିବାବେଳେ ଏଥିରେ ଜଳସେଚନ, ଚାଲିବା ଟ୍ରାକ୍, ପାର୍କିଂ କ୍ଷେତ୍ର ଏବଂ ଡ୍ରାଇଭର ବିଶ୍ରାମ ଗୃହ ଇତ୍ୟାଦି ସହିତ ଅତ୍ୟାଧୁନିକ ସୁବିଧା ଉପଲବ୍ଧ ହେବ । ଏହି ମହତ୍ୱପୂର୍ଣ୍ଣ ବିନିଯୋଗ ଉକ୍ତ ଅଞ୍ଚଳରେ ସଂଯୋଗକୁ ଉନ୍ନତ କରିବା ଏବଂ ଆଞ୍ଚଳିକ ବିକାଶକୁ ସମର୍ଥନ କରିବା, ଭିତ୍ତିଭୂମି ନବୀକରଣ ଏବଂ ଜନସାଧାରଣଙ୍କୁ ଉନ୍ନତ ସେବା ଯୋଗାଇବା ପାଇଁ ସରକାରଙ୍କ ପ୍ରତିବଦ୍ଧତାକୁ ପ୍ରତିଫଳିତ କରୁଛି ।
Comments are closed.