ନୂଆଦିଲ୍ଲୀ: ଦକ୍ଷିଣ ଆମେରିକୀୟ ଦେଶରେ ଓମିକ୍ରନ୍ ଭାରିଆଣ୍ଟ ସାରା ବିଶ୍ବରେ ତାଣ୍ଡବ ରଚିବା ପରେ ଗୁରୁବାର ଇକ୍ୟୁଏଡର୍ ପ୍ରଥମ ଦେଶ ଭାବେ କରୋନା ଟିକାକରଣକୁ ବାଧ୍ୟତାମୂଳକ କରିଛି।
ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ୫ ବର୍ଷ କିମ୍ବା ତା’ଠାରୁ ଅଧିକ ବୟସ୍କ ପିଲାଙ୍କ ଲାଗି ଇକ୍ୟୁଏଡର୍ କୋଭିଡ-୧୯ ବିରୋଧରେ ଟିକାକରଣକୁ ବାଧ୍ୟତାମୂଳକ ଘୋଷଣା କରିଛି।
ମନ୍ତ୍ରଣାଳୟ ଏଏଫ୍ପିକୁ କହିଛି ଯେ ବାଧ୍ୟତାମୂଳକ ଟିକାକରଣ ପାଞ୍ଚ ବର୍ଷ ଏବଂ ତା’ଠାରୁ ଅଧିକ ବର୍ଷ ପିଲାଙ୍କ ଲାଗି ପ୍ରଯୁଜ୍ୟ।
ଇକ୍ୟୁଏଡରର ଜନସଂଖ୍ୟାର ପ୍ରାୟ ୬୯ ପ୍ରତିଶତ ଲୋକ ପ୍ରାୟ ୧୭.୭ ନିୟୁତ ଲୋକ ଆଜି ପର୍ଯ୍ୟନ୍ତ ଦୁଇଟି ଟିକା ଗ୍ରହଣ କରିଛନ୍ତି ଏବଂ ୯୦,୦୦୦ ବୁଷ୍ଟର ଡୋଜ ନେଇଛନ୍ତି।
ପାଞ୍ଚ ବର୍ଷରୁ ଅଧିକ ବୟସ୍କ ସମସ୍ତେ ଟିକାକରଣ ପାଇଁ ଯୋଗ୍ୟ ଅଟନ୍ତି।
ଇକ୍ୟୁଏଡର୍ ଆଜି ପର୍ଯ୍ୟନ୍ତ ପ୍ରାୟ ୫୪୦,୦୦୦ କରୋନାଭାଇରସ୍ ମାମଲା ଏବଂ ୩୩,୬୦୦ ମୃତ୍ୟୁ ମାମଲା ପଞ୍ଜିକୃତ କରିଛି।