କୋଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ପୁତୁରା ତଥା ଟିଏମସି ନେତା ଅଭିଷେକ ବାନାର୍ଜୀଙ୍କ ସମସ୍ୟା ବଢିବାରେ ଲାଗିଛି। ଇଡି ଆଜି କୋଇଲା ଦୁର୍ନୀତି ମାମଲାରେ ଜେରା କରିବାକୁ ଅଭିଷେକ ବାନାର୍ଜୀଙ୍କୁ କୋଲକାତା ସ୍ଥିତ ଇଡି ଅଫିସକୁ ଡକାଇଛି। ଆଜି ସକାଳେ ଏହି ଜେରା ହେବ। ତେବେ ତୃତୀୟ ଥର ପାଇଁ ଅଭିଷେକ ଏହି ମାମଲାରେ ଇଡି ଜେରାର ସମ୍ମୁଖୀନ ହେବାକୁ ଯାଉଛନ୍ତି। ଇଡି ଅଧିକାରୀମାନେ ଏଥିପାଇଁ ଦିଲ୍ଲୀରୁ ଆସିବେ। ସେପ୍ଟେମ୍ବର 5 ରେ ଇଡି ଅଭିଷେକଙ୍କ ଶାଳୀଙ୍କୁ ମଧ୍ୟ ଡକାଇଛି ଜେରା ପାଇଁ। ଦିଲ୍ଲୀରେ ଏହି ଜେରା ହେବ।
ଇଡି ଅଧିକାରୀ କହିଛନ୍ତି ଯେ ଲଣ୍ଡନରେ ଏକ ବ୍ୟାଙ୍କ ଆକାଉଣ୍ଟ ବିଷୟରେ ଅଧିକ ସୂଚନା ନେବାକୁ ଅଭିଷେକ ବାନାର୍ଜୀଙ୍କୁ ଜେରା କରିବାକୁ ଡକା ହୋଇଛି । ଏହି ବ୍ୟାଙ୍କ ଆକାଉଣ୍ଟରେ ଅନେକ କାରବାର ହୋଇଥିବା ସୂଚନା ରହିଛି। ଏହାପୂର୍ବରୁ ମାର୍ଚ୍ଚ ମାସରେ ଏହି ସାଂସଦଙ୍କୁ ପ୍ରାୟ ଆଠ ଘଣ୍ଟା ଧରି ଜେରା କରିଥିଲା ଇଡି। ମେ ମାସରେ ଏହି ମାମଲାରେ ଅଭିଷେକଙ୍କ ଆବେଦନ ପରେ ସୁପ୍ରିମକୋର୍ଟ ଇଡି ନିର୍ଦ୍ଦେଶ ଦେଇଛନ୍ତି ଯେ କେନ୍ଦ୍ରୀୟ ତଦନ୍ତକାରୀ ସଂସ୍ଥା ସାଂସଦ ଓ ତାଙ୍କ ପତ୍ନୀ ରୁଜିରାଙ୍କୁ ଦିଲ୍ଲୀ ବଦଳରେ କୋଲକାତାରେ ଜେରା କରିପାରିବ। ଏହେ ପରେ ଏଥର କୋଲକାତାରେ ଇଡି ଜେରା କରିବାକୁ ଯାଉଛି।
ନଭେମ୍ବର 2020ରେ ସିବିଆଇ ଦ୍ୱାରା ରୁଜୁ ହୋଇଥିବା ଏଫ୍ଆଇଆର ଆଧାରରେ ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ 2002 ର ବ୍ୟବସ୍ଥା ଅନୁଯାୟୀ ମାମଲା ରୁଜୁ ହୋଇଛି। ଯେଉଁଥିରେ ଆସନସୋଲରେ ଇଷ୍ଟର୍ନ କୋଲ ଫିଲ୍ଡସ୍ ଲିମିଟେଡର ଖଣି ଏବଂ ଏହାର ଆଖପାଖରେ ଥିବା ଖଣିଗୁଡ଼ିକ କୁନୁଷ୍ଟୋରିଆ ଏବଂ କାଜୋରା ଅଞ୍ଚଳର ମୂଲ୍ୟ କୋଟି କୋଟି ଟଙ୍କା ରହିଛି। ଏହି ବେଆଇନ ବ୍ୟବସାୟରୁ ମିଳିଥିବା ଅର୍ଥ ଟିଏମସି ସାଂସଦମାନେ ନେଇଛନ୍ତି ବୋଲି ଇଡି ପୂର୍ବରୁ ଦାବି କରିଥିଲା। ତେବେ ବାନାର୍ଜୀ ଏହି ସବୁ ଅଭିଯୋଗକୁ ଖାରଜ କରିଛନ୍ତି।
Comments are closed.