ବାରିପଦା : ମୟୂରଭଞ୍ଜ ଜିଲ୍ଲା ବାରିପଦା ବନଖଣ୍ଡକୁ ବଡ଼ ସଫଳତା । ଉଦଳା ଥାନା ଦୁଗ୍ଧା ଗାଁରୁ ୪୫ କିଲୋ ହାତୀ ଦାନ୍ତ ଜବତ କରିଛି ବନ ବିଭାଗ । ଏଥିସହ ୨ ଜଣଙ୍କୁ ଗିରଫ କରିଛି ବନ ବିଭାଗର ସ୍ବତନ୍ତ୍ର ଟିମ୍ । ଗିରଫ ଅଭିଯୁକ୍ତ ହେଲେ ଫାଗୁ ହାଁସଦା ଓ ପିଥ ସୋରେନ । ଫାଗୁର ଘର ଉଦଳା ଥାନା ଅଞ୍ଚଳର ଅଙ୍ଗାରପଦାରେ ହୋଇଥିବା ବେଳେ, ପିଥ ସୋରେନର ଘର ଉଦଳା ଥାନା ଅନନ୍ତପୁର ଅଞ୍ଚଳରେ ବୋଲି ଜଣାପଡ଼ିଛି । ଜବତ ହାତୀଦାନ୍ତର ଆନୁମାନିକ ମୂଲ୍ୟ ୧୮ ଲକ୍ଷ ଟଙ୍କା ହେବ ବୋଲି ବନ ବିଭାଗ ସୂଚନା ଦେଇଛି । ହାତୀ ଦାନ୍ତକୁ ବାହାର ରା୍ୟକୁ ଚାଲାଣ କରିବା ପାଇଁ ଡିଲ୍ ହୋଇଥିଲା । ତେବେ ଏମାନଙ୍କୁ କାବୁ କରିବା ପାଇଁ ଉଦଳା ରେଞ୍ଜ, ବେତନଟୀ ରେଞ୍ଜର ୧୦ ଜଣ ବନ କର୍ମଚାରୀଙ୍କୁ ନିୟୋଜିତ କରାଯାଇଥିଲା ।
Comments are closed.