ରାୟଗଡ଼ା: ପୁଷ୍ପା ସିନେମା ଷ୍ଟାଇଲରେ ବନବିଭାଗ ଟିମ୍ ଉପରକୁ ଗୁଳିମାଡ଼ କଲେ ଦୁର୍ବୃତ୍ତ । ହାତୀ ଦାନ୍ତ ତସ୍କରୀରେ ବନବିଭାଗର ଚଢାଉ ବେଳେ ଧଡ ଧଡ ୪ ରାଉଣ୍ଡ ଗୁଳି କରିଥିଲେ ଚୋରା ଚାଲାଣକାରୀ ।
ତେବେ ରାୟଗଡାରେ ମାତିଛନ୍ତି ହାତୀ ଦାନ୍ତ ଚୋରା ଚାଲାଣକାରୀ । ଯାହାର ଖବର ପାଇ ପୋଲିସ ତଦନ୍ତ କରୁଥିବା ବେଳେ ପୋଲିସ ଉପରକୁ ଗୁଳିକାଡ କରିଥିଲେ ଦାନ୍ତ ତସ୍କର । ପୁଷ୍ପା ସିନେମାରେ ଚନ୍ଦନ ତସ୍କରୀ ସିନ୍ ଭଳି କିଛି ଘଟଣା ଘଟିଛି ମୁନିଗୁଡ଼ା ବନାଞ୍ଚଳ ଜାରପା ଅଞ୍ଚଳରେ । ବନବିଭାଗ ହାତୀଦାନ୍ତ ଚୋରା ଚାଲାଣ ହେଉଥିବା ସୂଚନା ପାଇଁ ଚଢ଼ାଉ ବେଳେ ଗୁଳିମାଡ଼ କରିଥିଲେ ଚାଲାଣକାରୀ ।
ଏଥିପାଇଁ ବନ ବିଭାଗ ଏସ୍ଟିଏଫ୍ ସହାୟତାରେ ପାତ୍ରଗୁଡା ନିକଟରୁ ହାତୀଦାନ୍ତ ଜବତ କରିବା ସହ ୫ ଜଣଙ୍କୁ ଅଟକ ରଖିଛି । ହାତୀଦାନ୍ତ ଉଦ୍ଧାର କରି ଫେରିବା ବାଟରେ ବନବିଭାଗ ଗାଡି ଉପରକୁ ୪ ରାଉଣ୍ଡ ଗୁଳି କରି ଦୁର୍ବୃତ୍ତ ଫେରାର୍ ହୋଇଯାଇଥିଲେ । ତେବେ ସମସ୍ତ ଗୁଳି ବନବିଭାଗ ଗାଡ଼ିରେ ବାଜିଥିବା ବେଳେ ଏଥିରେ କୌଣସି ବନକର୍ମଚାରୀ ଆହତ ହୋଇନଥିବା ସୂଚନା ମିଳିଛି ।
Comments are closed.