ୱାଶିଂଟନ୍: ଦୁନିଆର ସବୁଠାରୁ ଧନୀ ବ୍ୟକ୍ତି ଏଲନ୍ ମସ୍କ ସୋସିଆଲ୍ ମିଡିଆ ପ୍ଲାଟଫର୍ମ ‘ଏକ୍ସ’ ରେ ନିଜ ନାମ ପରିବର୍ତ୍ତନ କରିଛନ୍ତି। ନୂଆ ନାଁ ରହିଛି ‘କେକିଅସ୍ ମ୍ୟାକ୍ସିମସ୍’। ଏପରିକି ସେ ନିଜର ପ୍ରୋଫାଇଲ୍ ଫଟୋ ମଧ୍ୟ ବଦଳାଇ ‘ପେପ୍ ଦ ଫ୍ରଗ୍’ ନାମକ ଏକ ଚରିତ୍ରର ଫଟୋ ରଖିଛନ୍ତି। ଯାହାକି ଏକ ମିମ୍ ଅଟେ।
୨୦୨୨ ଠାରୁ ଏଲନ୍ ମସ୍କ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’କୁ ଅକ୍ତିଆର କରିଛନ୍ତି। ଏଥିରେ ତାଙ୍କର ୨୧୦ ନିୟୁତ ଫଲୋଅର୍ସ ଅଛନ୍ତି। ନାମ ଏବଂ ପ୍ରୋଫାଇଲ୍ ଫଟୋ ବଦଳାଇବା ପରେ ତାଙ୍କର ସମର୍ଥକ ଏବଂ ସମାଲୋଚକମାନେ ଭିନ୍ନଭିନ୍ନ କମେଣ୍ଟ କରିବାରେ ଲାଗିଛନ୍ତି। ତେବେ ସେ କାହିଁକି ଏପରି କରିଛନ୍ତି ତାହା ଏପର୍ଯ୍ୟନ୍ତ ଜଣାପଡିନାହିଁ।
ଖବର ଅନୁଯାୟୀ, ତାଙ୍କର ଏଭଳି ପଦକ୍ଷେପ କ୍ରିପ୍ଟୋକରେନ୍ସି କ୍ଷେତ୍ରରେ ଆଲୋଡ଼ନ ସୃଷ୍ଟି କରିଛି। ଡିଜିଟାଲ୍ କରେନ୍ସି ମେମେକଏନ୍ ର ମୂଲ୍ୟରେ ଅଚାନକ ବୃଦ୍ଧି ଦେଖିବାକୁ ମିଳିଛି। କାରଣ ମିମ୍ସ ସହ ଏହାର ନାମ ମଧ୍ଯ ସମାନ।
ନ୍ୟୁୟର୍କ ପୋଷ୍ଟ ରିପୋର୍ଟ ଅନୁଯାୟୀ, ଟେସ୍ଲାର ପ୍ରତିଷ୍ଠାତା ମସ୍କ ଗତ ମଙ୍ଗଳବାର ଏକ ପୋଷ୍ଟରେ ସୂଚନା ଦେଇ ଲେଖିଥିଲେ ଯେ କେକିୟସ୍ ମ୍ୟାକ୍ସିମସ୍ ଖୁବ୍ ଶୀଘ୍ର ହାର୍ଡକୋର ପିଓଇରେ ୮୦ରେ ପହଞ୍ଚିବ। ତେବେ ପିଓଇ ଏକ ଲୋକପ୍ରିୟ ଭିଡିଓ ଗେମ୍ ଯାହାର ପୂରା ନାମ ‘ପାଥ ଅଫ୍ ଏକ୍ସାଇଲ୍ ୨’। ଆଉ ଏହି ଗେମକୁ ମଧ୍ଯ ମସ୍କ ପ୍ରାୟ ସମୟ ଖେଳିଥାନ୍ତି।
Comments are closed.