୧୬ ହଜାର ନାଗରିକଙ୍କ ପ୍ରାଣ ନେଇଥିବା କାମ୍ବୋଡିଆର ଜେଲର କିଆଙ୍ଗଙ୍କ ମୃତ୍ୟୁ, କମ୍ରେଡ ଡଚ ଭାବେ କୁଖ୍ୟାତ ଥିଲେ

ଫୋନମ ପେନହ: କାମ୍ବୋଡିଆର ଏକଚ୍ଛତ୍ରବାଦ ଶାସକ ଖେମର ରୁଜଙ୍କ ଜେଲର କିଆଙ୍ଗ ଇୟାଭ ୭୭ ବର୍ଷ ବୟସରେ ମୃତ୍ୟୁବରଣ କରିଛନ୍ତି । ସେ ଜେଲର ଥିବା ବେଳେ ୧୬ ହଜାର ସାଧାରଣ ନାଗରିକଙ୍କୁ ନିର୍ଯ୍ୟତନା ଦେଇ ହତ୍ୟା କରିଥିଲେ । ୧୯୭୦ରେ କିଆଙ୍ଗଙ୍କ ରାଜୁତିରେ ଲୋକମାନେ ଅତିଷ୍ଠ ହୋଇ ଆନ୍ଦୋଳନ କରିଥିଲେ । ଏହାକୁ ଦମନ କରିବା ପାଇଁ କ୍ରୂରତାର ସବୁ ସୀମା ଟପି ଯାଇଥିଲେ ଖେମର ଏବଂ ଏଥିରେ ମୂଖ୍ୟ ଭୂମିକା ଗ୍ରହଣ କରିଥିଲେ କିଆଙ୍ଗ । ଏହି ସଂଘର୍ଷ ଓ ଦମନଲୀଳାରେ ୧୭ ଲକ୍ଷ ଲୋକ ପ୍ରାଣ ହରାଇଥିଲେ । ୨୦୦୯ରେ କିଆଙ୍ଗ ମିଳିତ ଜାତିସଂଘ ସମର୍ଥିତ ଟ୍ରିବ୍ୟୁନାଲରେ ଦୋଷୀ ସାବ୍ୟସ୍ତ ହୋଇ ଆଜୀବନ ଜେଲଦଣ୍ଡ ଭୋଗିଥିଲେ । ୨୦୧୩ରେ କାଣ୍ଡାଲ ପ୍ରାଦେଶିକ ଜେଲକୁ ତାଙ୍କୁ ପଠା ଯାଇଥିଲା ।