ଜମ୍ମୁ: ଜମ୍ମୁ ସହରର ଜନଗହଳିପୂର୍ଣ୍ଣ ବସଷ୍ଟାଣ୍ଡରେ ଏକ ଗ୍ରେନେଡ଼ ବିସ୍ଫୋରଣ ଯୋଗୁଁ ଜଣେ ବ୍ୟକ୍ତିଙ୍କ ପ୍ରାଣହାନୀ ଘଟିଥିବା ବେଳେ ୨୮ ଜଣ ଆହତ ହୋଇଛନ୍ତି । ଏହି ଆହତ ବ୍ୟକ୍ତିମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ସଂକଟାପନ୍ନ ବୋଲି ସୂତ୍ରରୁ ଜଣାପଡ଼ିଛି ।
#UPDATE: One person injured in grenade explosion at Jammu bus-stand succumbs to injuries. https://t.co/M0GTPWvkFy
— ANI (@ANI) March 7, 2019
ଜମ୍ମୁ ରାଜ୍ୟର ପୋଲିସ ଆଇଜି ଏମ କେ ସିହ୍ନା ଏହି ଘଟଣାକୁ ସ୍ୱୀକାର କରିବା ସହିିତ ଗଣମାଧ୍ୟମକୁ ସୂଚନା ଦେଇ କହିଛନ୍ତି, ବସଷ୍ଟାଣ୍ଡର ପ୍ରସ୍ଥାନ ଯାଗାରେ ଠିକ୍ ମଧ୍ୟାହ୍ନ ସମୟରେ ଏକ ପ୍ରଚଣ୍ଡ ବିସ୍ଫୋରଣ ହୋଇଥିଲା । 
ଏହି ସ୍ଥାନଟିକୁ ଏବେ ସିଲ୍ କରିଦିଆଯାଇଥିବାର କହିଛନ୍ତି ଜମ୍ମୁ ପୋଲିସ ଆଇ ଜି ଏମ କେ ସିହ୍ନା ।
ସମସ୍ତ ଆହତ ବ୍ୟକ୍ତିମାନଙ୍କୁ ଜମ୍ମୁ ସରକାରୀ ମେଡ଼ିକାଲ କଲେଜକୁ ଚିକିତ୍ସା ନିମନ୍ତେ ଭର୍ତ୍ତି କରାଯାଇଥିବାର ସୂଚନା ଦେଇ କହିଛନ୍ତି ଆଇ ଜି ।
ଏସମ୍ପର୍କରେ ଅଧିକ ସୂଚନାକୁ ଅପେକ୍ଷା କରାଯାଇଛି ।