ନକଲି ସୁନା ଇଟା କାରବାରରେ ୬ ଗିରଫ

ନବରଙ୍ଗପୁର : ନବରଙ୍ଗପୁରରେ ନକଲି ସୁନା ଇଟା କାରବାରରେ ୬ ଗିରଫ । ୪ କିଲୋ ୫୦୦ ଗ୍ରାମ ନକଲି ସୁନା ଇଟା ଜବତ କରିଛି ପୋଲିସ ।ଏଥିସହ ଅଭିଯୁକ୍ତ ମାନଙ୍କ ଠାରୁ ଗୋଟିଏ କାର,୫ଟି ମୋବାଇଲ ଫୋନ,୫ ଟି ଏଟିଏମ କାର୍ଡ ,ଡ୍ରାଇଭିଂ ଲାଇସେନ୍ସ ଏବଂ ନଗଦ ୯୫୦ ଟଙ୍କା ପୋଲିସ ଜବତ କରିଛି ।

ନବରଙ୍ଗପୁର ଜିଲ୍ଲାରେ ନକଲି ସୁନାଶଙ୍ଖ ପରେ ଏବେ ସୁନା ଇଟା କାରବାର ଚାଲିଥିବା ଖବର ସାମ୍ନାକୁ ଆସିଛି । ନକଲି ସୁନା ଇଟା କାରବାର ହେଉଥିବା ପୋଲିସ ବିଶ୍ୱସ୍ତ ସୁତ୍ରରୁ ଖବର ପାଇ ପାପଡ଼ାହାଣ୍ଡି ଥାନା ପକ୍ଷରୁ ମୈଦଲପୁର ପୁଲିସ ଫାଣ୍ଡି ସାମ୍ନାରେ ଗାଡି ଯାଞ୍ଚ ଆରମ୍ଭ କରିଥିଲେ । ସେ ସମୟରେ ଏକ ଧଳାରଙ୍ଗର କାର ଭୁବନେଶ୍ୱରରୁ ନବରଙ୍ଗପୁର ଅଭିମୁଖେ ଆସୁଥିଲା ।

ଗାଡିକୁ ଅଟକାଇ ଯାଞ୍ଚ ଆରମ୍ଭ କରିଥିଲେ ପୋଲିସ। ଯାଞ୍ଚ ବେଳେ ନକଲି ସୁନା ଇଟା ମିଳିଥିଲା।  ଏହି ଘଟଣାରେ ପାପଡ଼ାହାଣ୍ଡି ପୋଲିସ ୬ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲଣ କରିଛି।