ଗତ ରାତିରେ ପୁରୀରୁ କଲିକତା ଅଭିମୁଖେ ଯାଉଥିଲା ଓଏସଆରଟିସି ବସ୍। ଓଏସଆରଟିସି ବସରେ ଦୁଇଜଣ ଡ୍ରାଇଭର ଥିଲେ । ପ୍ରମୋଦ ନାମକ ଓଏସଆରଟିସି ବସ୍ ଡ୍ରାଇଭର ଜଣକ ଫ୍ରେସ ହେବା ପାଇଁ ଗାଡ଼ି ଛିଡ଼ା କରି ତଳକୁ ଓହ୍ଲାଇଥିଲେ । ସେହି ସମୟରେ ଏକ ବାଇକ୍ ଆସି ତାଙ୍କୁ ଧକ୍କା ଦେଇଥିଲା । ଯାହାଫଳରେ ତାଙ୍କର ମୃତ୍ୟୁ ଘଟିଥିଲା । ଉକ୍ତ ଘଟଣାରେ ପରିବାର ଲୋକ ଆଜି ଓଏସଆରଟିସି ଅଫିସ୍ ଆଗରେ ଡ୍ରାଇଭରଙ୍କ ମୃତଦେହ ରଖି ପ୍ରତିବାଦ କରିଛନ୍ତି । ପରିବାର ଲୋକଙ୍କ ଦାବି ହେଉଛି କି ପରିବାରକୁ କ୍ଷତିପୂରଣ ସହ ପରିବାର ସଦସ୍ୟଙ୍କୁ ଚାକିରି ଦିଆଯାଉ ।
ସୂଚନାଥାଉକି, ଗତରାତିରେ ପଶ୍ଚିମବଙ୍ଗର ମେଦିନପୁର ନିକଟରେ ଦୁର୍ଘଟଣାରେ ପ୍ରମୋଦ ଡ୍ରାଇଭରଙ୍କ ମୃତ୍ୟୁ ହୋଇଥିଲା । ମୃତକ ହେଉଛନ୍ତି କଟକ ଜିଲ୍ଲା ବାଙ୍କୀ ବୈଦେଶ୍ୱରର ଗ୍ରାମର।
ପ୍ରମୋଦ ମହାପାତ୍ରଙ୍କ ତିନି ଜଣ ଝିଅ ଓ ଜଣେ ପୁଅ ଅଛନ୍ତି । ଦୁର୍ଭାଗ୍ୟର କଥା ଯେ ଦୁର୍ଘଟଣା ଘଟିଥିବା ସ୍ଥାନରେ ସଂସ୍ଥା ତରଫରୁ କୌଣସି ଅଧିକାରୀ ପହଞ୍ଚି ପାରିନଥିଲେ । ପରିବାର ଲୋକଙ୍କୁ କୌଣସି ଖବର ବି ଦେଇନଥିଲେ । ୨୫ ବର୍ଷ ହେଲା ଓଏସ୍ଆରଟିସିରେ କାମ କରୁଥିଲେ ପ୍ରମୋଦ ମହାପାତ୍ର ।
Comments are closed.