ମୁମ୍ବାଇ: ଫରହାନ ଅଖତର ନିକଟରେ ଡନ ୩ ଫିଲ୍ମର ଘୋଷଣା କରିଛନ୍ତି । ଏଥିରେ ସେ ଶାହାରୁଖ ଖାଁଙ୍କ ବଦଳରେ ରଣବୀର ସିଂଙ୍କୁ ହୀରୋ ଭାବେ ଘୋଷଣା କରିବା ପରେ ସମସ୍ତେ ଆଶ୍ଚର୍ଯ୍ୟଚିକତ ହୋଇ ଯାଇଥିଲେ । ଏବେ ଶାହାରୁଖଙ୍କ ବଦଳରେ ଫରହାନ କାହିଁକି ରଣବୀରଙ୍କୁ ଚୟନ କଲେ ତାର ଖୁଲାସା କରିଛନ୍ତି । ଫରହାନଙ୍କ ମତରେ ଡନ ୩ର କାହାଣୀ ନେଇ ଶାହାରୁଖ ଓ ମୁଁ ଦୀର୍ଘ ଦିନ ଧରି ଆଲୋଚନା କରିଥିଲୁ । ମୁଁ ଯେଉଁ ଢ଼ଙ୍ଗରେ କାହାଣୀକୁ ସାରିବାକୁ ଚାହୁଁଥିଲି ତାହା ତାଙ୍କୁ ପସନ୍ଦ ଆସି ନ ଥିଲା । ସମସ୍ତ ପ୍ରକାର ଆଲୋଚନା କରେ ଶେଷର ଭଲରେ ଆମେ ଏହି ପ୍ରୋଜେକ୍ଟରୁ ପରସ୍ପରଠାରୁ ଅଲଗା ହେବା ପାଇଁ ଚିନ୍ତା କରିଥିଲୁ ।
ନୂତନ କାହାଣୀ ପାଇଁ ରଣବୀର ସମ୍ପୂର୍ଣ୍ଣ ଫିଟ ବୋଲି ସେ କହିଛନ୍ତି । ସୂଚନାଯୋଗ୍ୟ ୧୯୭୮ରେ ଅମିତାଭ ବଚ୍ଚନ ଅଭିନୀତ ଡନ ଫିଲ୍ମ ବକ୍ସ ଅଫିସରେ ଭଲ ବ୍ୟବସାୟ କରିଥିଲା । ୨୦୦୬ରେ ଫରହାନ ଏହାର ରିମେକ ପ୍ରସ୍ତୁତ କରିଥିଲେ । ଶାହାରୁଖଙ୍କୁ ଡନ ଭୂମିକାରେ ଦର୍ଶକ ବେଶ ପସନ୍ଦ କରିଥିଲେ । ଏହା ପରେ ୨୦୧୧ରେ ଏହାର ପରବର୍ତୀ ସଂସ୍କରଣ ମଧ୍ୟ ବକ୍ସ ଅଫିସରେ ସୁପରହିଟ ସାବ୍ୟସ୍ତ ହୋଇଥିଲା । ଦର୍ଶକମାନେ ଏହାର ତୃତୀୟ ସଂସ୍କରଣକୁ ଅପେକ୍ଷା କରିଥିବା ବେଳେ ଏବେ ଏଥିରେ ରଣବୀର ଅଭିନୟ କରିବା ସ୍ପଷ୍ଟ ହୋଇଛି ।
Comments are closed.