ମଣ୍ଡିରେ ଭିଜୁଛି କୁଇଂଟାଲ କୁଇଂଟାଲ ଧାନ

ବୌଦ୍ଧ: ମଣ୍ଡିରେ ଭିଜୁଛି ଶହ ଶହ କୁଇଂଟାଲ ଧାନ । କେଉଁଠି ପଚି ଗଲାଣି ତ ଆଉ କେଉଁଠି ଗଜା ହୋଇଗଲାଣି । ପ୍ରବଳ ବର୍ଷା ଯୋଗୁଁ ବୌଦ୍ଧ ଜିଲ୍ଲାର ବିଭିନ୍ନ ଧାନ ମଣ୍ଡିରେ ଚାଷୀର ବର୍ଷ ଜାକର ପରିଶ୍ରମ ପାଣିରେ ଧୋଇ ହୋଇଯାଇଛି । ମଣ୍ଡିରେ ଧାନ ଘୋଡାଇବାକୁ କୌଣସି ବ୍ୟବସ୍ଥା ନଥିବାରୁ ଏହାକୁ ନେଇ ପ୍ରବଳ ଅସନ୍ତୋଷ ପ୍ରକାଶ ପାଇଛି । ସେହିପରି କଂଟାମାଳ ବ୍ଲକ ସିମିଳିପଦର ସେବା ସମବାୟ ସମିତିରେ ମଧ୍ୟ ଶହ ଶହ ଧାନ ବସ୍ତା ବର୍ଷା ଯୋଗୁଁ ଓଦା ହୋଇଯାଇଛି । ଫଳରେ ଚାଷୀ ମୁଣ୍ଡରେ ହାତ ଦେଇ ବସିଛି । ଟୋକନ ପାଇବା ପାରେ ମଧ୍ୟ ଧାନ କିଣା ଯାଉନଥିବାରୁ ଧାନ ବସ୍ତାଗୁଡିକ ମଣ୍ଡିରେ ଗଦା ହୋଇ ରହିଛି ।