ନୂଆଦିଲ୍ଲୀ: ଗାଜୀପୁର (ଦିଲ୍ଲୀ-ଉତ୍ତରପ୍ରଦେଶ) ସୀମାରେ କୃଷକଙ୍କ ଆନ୍ଦୋଳନକୁ ଦୃଷ୍ଟିରେ ରଖି ନୋଏଡା ଠାରୁ ଅକ୍ଷରଧାମ ପର୍ଯ୍ୟନ୍ତ ସୋମବାର ଯାନବାହାନ ଚଳାଚଳ ଉପରେ ଭାରି ଟ୍ରାଫିକ ସମସ୍ୟା ଜାରି ରହିଥିଲା।
ସୋମବାର ଦିନ ହରିୟାଣା ଏବଂ ଉତ୍ତରପ୍ରଦେଶ ସହିତ ଦିଲ୍ଲୀର ସୀମା ବନ୍ଦ ଥିବାରୁ ଯାତ୍ରୀମାନେ ଭାରି ଟ୍ରାଫିକ୍ ଜାମ୍ର ସମ୍ମୁଖୀନ ହୋଇଛନ୍ତି।
ଅକ୍ଷରଧାମରେ ନିକଟରେ ରାସ୍ତା ଅବରୋଧ କରି ଦିଲ୍ଲୀ ପୋଲିସ ସୁରକ୍ଷାକୁ କଡାକଡି କରିଛି ଏବଂ ସୋମବାର ଦିନ NH-24 ରେ ଦିଲ୍ଲୀ ଏବଂ ଗାଜିଆବାଦ ମଧ୍ୟରେ ଯାନବାହନ ଚଳାଚଳ ଉପରେ ପ୍ରତିବନ୍ଧକ ଲଗାଯାଇଛି।
ଦିଲ୍ଲୀ ମେଟ୍ରୋ ରେଳ ନିଗମ (ଡିଏମଆରସି) ଅନୁଯାୟୀ ବ୍ରିଗେଡିୟର୍ ହୋଶିଆର ସିଂ, ବାହାଦୂରଗଡ ସହର, ପଣ୍ଡିତ ଶ୍ରୀ ରାମ ଶର୍ମା ଏବଂ ଟିକ୍ରି ସୀମା ପ୍ରବେଶ ଏବଂ ପ୍ରସ୍ଥାନ ଫାଟକ ବନ୍ଦ ରହିଛି।
ଦିଲ୍ଲୀ ଟ୍ରାଫିକ ପୋଲିସର ସୂଚନାନୁସାରେ, ସୀମା ବନ୍ଦ ହେତୁ ISBT ଆନନ୍ଦ ବିହାର ଠାରୁ ଗାଜିପୁର ପର୍ଯ୍ୟନ୍ତ ୫୬ ନମ୍ବର ରୋଡରେ ଟ୍ରାଫିକ ପ୍ରଭାବିତ ରହିବ।