ନୂଆଦିଲ୍ଲୀ: କରୋନା ଭୂତାଣୁରୁ ସୁରକ୍ଷା ପାଇଁ ଲୋକଙ୍କ ମଧ୍ୟରେ ଟିକାକରଣ ଅଭିଯାନକୁ ନେଇ ସଚେତନତା ପ୍ରସାର କରାଯାଉଛି। ଏସବୁ ମଧ୍ୟରେ ଜଣେ ୭୦ ବର୍ଷ ବୟସ୍କ ବ୍ୟକ୍ତି ଟିକା ନେଇ ସମାଜ ପାଇଁ ଏକ ଉଦାହରଣ ପାଲଟିଛନ୍ତି। ବାସ୍ତବରେ, ଏହି ବ୍ୟକ୍ତି ସାଇବେରିଆର ଏକ ଗୁମ୍ଫାରେ ରହୁଥିଲେ। ପ୍ରାୟ ୨୦ ବର୍ଷ ଧରି ଦୁନିଆରୁ ବିଚ୍ଛିନ୍ନ ଥିଲେ ଏହି ବ୍ୟକ୍ତି।
କରୋନା ଭୟରେ କେବଳ ଟିକା ନେବା ପାଇଁ ସେ ଦୁଇ ଦଶନ୍ଧି ପରେ ବାହାରକୁ ଆସିଥିଲେ। ଏହି ବ୍ୟକ୍ତି ଜଣକ ଲୋକମାନଙ୍କ ଗହଣରେ ରହିବାକୁ ପସନ୍ଦ କରନ୍ତି ନାହିଁ। ସେ ନିଜର ସମସ୍ତ ସମୟ ବନ୍ୟଜନ୍ତୁମାନଙ୍କ ସହିତ ବିତାଇଥାନ୍ତି। ଏଭଳି ପରିସ୍ଥିତିରେ ଟିକା ନେବା ପାଇଁ ଗୁମ୍ଫାରୁ ପଦାକୁ ଆସିବା ଏବେ ଚର୍ଚ୍ଚାର ବିଷୟ ପାଲଟିଛି।
ପ୍ରାୟ ଦୁଇ ଦଶନ୍ଧି ପୂର୍ବରୁ ଏକ ଛୋଟ ଗୁମ୍ଫାରେ ରହିବାକୁ ପେଣ୍ଟା ପର୍ଟ୍ରୋଭିକ୍ ସାଧାରଣ ଜୀବନରୁ ଦୂରେଇ ଯାଇଥିଲେ। ସେବେଠାରୁ ଗୁମ୍ଫା ହିଁ ତାଙ୍କ ନିବାସ ସ୍ଥଳୀ ଥିଲା। ଯେତେବେଳେ ପେଣ୍ଟା ଟିକା ନେଇଥିଲେ, ସେତେବେଳେ ସେ ଲୋକମାନଙ୍କୁ ନିରାପଦରେ ରହିବାକୁ ନିବେଦନ କରିଥିଲେ। ସେ କହିଥିଲେ- ‘ମୁଁ ବୁଝିପାରୁ ନାହିଁ କାହିଁକି ଲୋକମାନେ ଟିକା ନେବାକୁ ଚାହୁଁନାହାନ୍ତି। ମୁଁ ସମସ୍ତଙ୍କୁ ନିବେଦନ କରୁଛି ଯେ ମୋ ପରି ସମସ୍ତେ ଆଗକୁ ଆସି ଟିକା ନିଅନ୍ତୁ।
ପେଣ୍ଟାଙ୍କ ଘର ଏକ ପୁରୁଣା କଳଙ୍କିତ ବାଥ୍ ଟବ୍ରେ ସୁସଜ୍ଜିତ ହୋଇଛି। ଏହାକୁ ସେ ଶୌଚାଳୟ ଭାବରେ ବ୍ୟବହାର କରନ୍ତି। କିଛି ବେଞ୍ଚ ଉପରେ ପଡ଼ିଥିବା ଘାସ ଗାଲିଚା ହେଉଛି ତାଙ୍କ ଶଯ୍ୟା। ପେଣ୍ଟା କହିଛନ୍ତି ଯେ ଯଦି ସବୁ ସ୍ଥାନରେ କରୋନା ଥାଏ ତେବେ ଏହା ମୋ ଗୁମ୍ଫାକୁ ମଧ୍ୟ ଆସିପାରେ, ତେଣୁ ଟିକା ନେବା ଆବଶ୍ୟକ।
Comments are closed.