ମୁମ୍ବାଇ: ଖୁବଶୀଘ୍ର ରିଲେଜ ହେବାକୁ ଯାଉଛି ଅଜୟ ଦେବଗନ୍ ଏବଂ ଆର୍ ମାଧବନଙ୍କ ଅଭିନୀତ ‘ଶୈତାନ’ । ଟ୍ରେଲରରେ ଫିଲ୍ମର ଦମଦାର ଝଲକ ଦେଖିବାପରେ ପ୍ରଶଂସକମାନେ ଉତ୍ସାହର ସହିତ ଏହି ଭୟଙ୍କର ଥ୍ରୀଲର ଫିଲ୍ମକୁ ଅପେକ୍ଷା କରିଛନ୍ତି ।
ଫିଲ୍ମର ଆଡଭାନ୍ସ ବୁକିଂ ଗତ ଦୁଇ ଦିନ ହେବ ଆରମ୍ଭ ହୋଇଯାଇଛି । ରିଲିଜ୍ ପୂର୍ବରୁ ଫିଲ୍ମର ଆଡଭାନ୍ସ ବୁକିଂ ଜବରଦସ୍ତ କଲେକ୍ସନ କରିଛି । ତେବେ ଜାଣନ୍ତୁ ଆଡଭାନ୍ସ ବୁକିଂ ରେ ଫିଲ୍ମ କେତେ ଇନକମ କରିଛି ।
SACNILCର ରିପୋର୍ଟ ଅନୁଯାୟୀ, ପ୍ରଥମ ଦିନରେ ଫିଲ୍ମର ପ୍ରାୟ ୧୬ ହଜାର ଟିକେଟ୍ ବିକ୍ରି ହୋଇଥିଲା, ଯେଉଁ କାରଣରୁ ଏହି ଫିଲ୍ମ ୩୯.୮୩ ଲକ୍ଷ ଟଙ୍କା ସଂଗ୍ରହ କରିଛି । ଦୁଇ ଦିନ ମଧ୍ୟରେ ଫିଲ୍ମର ୩୫ ହଜାରରୁ ଅଧିକ ଟିକେଟ୍ ବିକ୍ରି ହୋଇସାରିଛି । ମୋଟାମୋଚି ଭାବେ ଦେଖିବାକୁ ଗଲେ ଫିଲ୍ମ ଟି ଏପର୍ଯ୍ୟନ୍ତ ରିଲିଜ ପୂର୍ବରୁ ପ୍ରି-ବୁକିଂ ରେ ପ୍ରାୟ ୮୩.୭୪ ଲକ୍ଷ ଟଙ୍କା ସଂଗ୍ରହ କରିଛି । ପ୍ରକାଶ ଥାଉକି, ରିଲିଜ୍ ତାରିଖ ପାଖେଇ ଆସୁଥିବାରୁ ଏହି ସଂଖ୍ୟା ଆହୁରି ବୃଦ୍ଧି ପାଇବ ।
ବିକାଶ ବହଲଙ୍କ ନିର୍ଦ୍ଦେଶିତ ଫିଲ୍ମ ‘ଶୈତାନ’ ମାର୍ଚ୍ଚ ୮, ୨୦୨୪ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଫିଲ୍ମକୁ ନିର୍ମାଣ କରୁଛନ୍ତି ଅଜୟ ଦେବଗନ୍, ଜ୍ୟୋତି ଦେଶପାଣ୍ଡେ, କୁମାର ମଙ୍ଗତ ପାଠକ ଏବଂ ଅଭିଷେକ ପାଠକ । ଅଜୟ ଦେବଗାନଙ୍କ ଏହି ଫିଲ୍ମକୁ ପ୍ରଶଂସକମାନେ ଉତ୍ସାହର ସହିତ ଅପେକ୍ଷା କରିଛନ୍ତି ।
Comments are closed.