ରାଜ୍ୟର ସବୁ କୋଭିଡ୍ ହସପିଟାଲର ଯାଂଚ ହେବ: ଅଗ୍ନିଶମ ଡିଜି

ଭୁବନେଶ୍ୱର: ଅହମ୍ମଦାବାଦର କୋଭିଡ୍ ହସପିଟାଲରେ ଅଗ୍ନିକାଣ୍ଡ ଘଟି ୮ ଜଣଙ୍କ ଜୀବନ ଚାଲିଯିବା ପରେ ଆମ ରାଜ୍ୟର ବିଭିନ୍ନ କୋଭିଡ୍ ହସପିଟାଲରେ ଥିବା ଅଗ୍ନି ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନ ଉଠିଛି । ଏଭଳି ସ୍ଥିତିରେ ଅଗ୍ନିଶମ ଡିଜି ସତ୍ୟଜିତ୍ ମହାନ୍ତି ଟ୍ୱିଟ୍ କରି ସ୍ପଷ୍ଟ କରିଛନ୍ତି ଯେ, ରାଜ୍ୟର ସବୁ କୋଭିଡ୍ ହସପିଟାଲରେ ଯାଂଚ ହେବ ।

We have directed our Asst Fire Officers & Dy Fire Officers to visit the covid hospitals & covid care centres under their respective jurisdictions, review the fire safety measures and deficiencies, if any, advise the authorities on taking proper measures.

— DG Fire Services, Odisha (@DGFS_HGs_CD) August 6, 2020

ରାଜ୍ୟର ବିଭିନ୍ନ ଜିଲ୍ଲାରେ ଥିବା କୋଭିଡ୍ ହସପିଟାଲ ଏବଂ କୋଭିଡ କେୟାର ସେଂଟରର ଫାୟାର ସେଫଟି ବ୍ୟବସ୍ଥା ଯାଂଚ କରିବାକୁ ଆସିଷ୍ଟାଂଟ୍ ଫାୟାର ଅଫିସର ଏବଂ ଡେପୁଟି ଫାୟାର ଅଫିସରଙ୍କୁ ନିର୍ଦ୍ଦେଶ ଦେଇଛନ୍ତି ଅଗ୍ନିଶମ ଡିଜି ସତ୍ୟଜିତ ମହାନ୍ତି । ସଂପୃକ୍ତ କୋଭିଡ ହସପିଟାଲ ଏବଂ କୋଭିଡ କେୟାର ସେଂଟରରେ ରୋଗୀଙ୍କ ସୁରକ୍ଷା ପାଇଁ କଣ ବ୍ୟବସ୍ଥା କରାଯାଇଛି ତାର ଯାଂଚ କରିବେ ଅଧିକାରୀ । ଏହାପରେ ଯାହା ବି ସମସ୍ୟା ଥିବା ତାର ସମାଧାନ ପାଇଁ ତୁରନ୍ତ ପଦକ୍ଷେପ ନେବାକୁ କୁହାଯାଇଛି ।