ଯାଜପୁର: ଯାଜପୁର ଜିଲ୍ଲା କୋରାଇ ବ୍ଲକ ହଳଦିଗଡିଆ ଗ୍ରାମରେ ଆଜି ଭୟାବହ ଅଗ୍ନିକାଣ୍ଡ ଘଟିଛି। ଏଥିରେ ୩ଟି ପରିବାରର ୬ ବଖରା ଘର ପୋଡି ପାଉଁଶ ହୋଇଯାଇଛି। ଏହି ଅଗ୍ନିକାଣ୍ଡରେ ଧାନ ଚାଉଳ ଆଦି ଖାଦ୍ୟ ସାମଗ୍ରୀ ଓ ବ୍ୟାପକ ଆସବାସପତ୍ର ପୋଡି ନଷ୍ଟ ହୋଇଛି ।
ଇଲେକ୍ଟ୍ରିକ୍ ସର୍ଟସର୍କିଟ ରୁ ଏହି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି । ମଙ୍ଗଳବାର ଅପରାହ୍ନ ୧ଟା ସମୟରେ ହଳଦିଗଡ଼ିଆ ଗାଁର ଭାଗିରଥୀ ନାଥ ଙ୍କ ଘରେ ହଠାତ୍ ନିଆଁ ଲାଗି ମୃତ୍ୟୁଞ୍ଜୟ ନାଥ ଓ ଶ୍ରେହାନ୍ସୁ ପ୍ରସାଦ ନାଥ ଙ୍କ ଘରକୁ ବ୍ୟାପି ଯାଇଥିଲା। ଦେଖୁ ଦେଖୁ ଏହା ୬ ବଖରା ଘରକୁ ପୋଡି ପାଉଁଶ କରିଦେଲା ।
ଖବର ପାଇ ଅଗ୍ନିଶମ ବାହିନୀ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ହେଲେ ସେତେବେଳକୁ ୬ ବଖରା ଘର ସମ୍ପୂର୍ଣ୍ଣ ପୋଡ଼ି ଯାଇଥିଲା।
ଏହି ସଙ୍କଟ ସମୟରେ ତୁରନ୍ତ ଏହି ୩ଟି ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ମାନେ ଦାବି କରିଛନ୍ତି।
Comments are closed.