ନୂଆଦିଲ୍ଲୀ: ଆମେରିକାର ଘରୋଇ ମହାକାଶ ସଂସ୍ଥା ଫାୟାରଫ୍ଲାଏ ଏରୋସ୍ପେସ୍ ପକ୍ଷରୁ ଉତ୍କ୍ଷେପଣ କରାଯାଇଥିବା ମହାକାଶ ଯାନ ‘ବ୍ଲୁ ଘୋଷ୍ଟ’ ରବିବାର ଚନ୍ଦ୍ରପୃଷ୍ଠରେ ଅବତରଣ କରିଛି। ଚନ୍ଦ୍ରପୃଷ୍ଠରେ ସଫଳ ଅବତରଣ କରିବାରେ ଏହା ପ୍ରଥମ ଘରୋଇ ମହାକାଶ ଯାନ ବୋଲି କୁହାଯାଇଛି। ସୂଚନାଥାଉକି ଫାୟାରଫ୍ଲାଏ ଏରୋସ୍ପେସ୍ ନାସା ସାହାଯ୍ୟରେ ଏହି ମିଶନ କାର୍ଯ୍ୟକାରୀ କରିଥିଲା |
ଜାନୁଆରୀ ୧୫ରେ ଏହି ମହାକାଶ ଯାନକୁ ସ୍ପେସ୍ଏକ୍ସ ଫାଲକନ ୯ ରକେଟ ସାହାଯ୍ୟରେ ଉତ୍କ୍ଷେପଣ କରାଯାଇଥିଲା। ବ୍ଲୁ ଘୋଷ୍ଟରେ ଲୁନାର ସଏଲ ଆନାଲାଇଜର, ରେଡିଏସନ ଟଲେରାଣ୍ଟ କମ୍ପ୍ୟୁଟର ସମେତ ମୋଟ ୧୦ ଯନ୍ତ୍ରାଂଶ ଖଞ୍ଜାଯାଇଛି।
ବ୍ଲୁ ଘୋଷ୍ଟ ମିଶନର ଉଦ୍ଦେଶ୍ୟ ହେଲା ଚନ୍ଦ୍ରର ବାୟୁମଣ୍ଡଳ ବିଷୟରେ ଗୁରୁତ୍ୱପୂର୍ଣ୍ଣ ତଥ୍ୟ ସଂଗ୍ରହ କରିବା । ବ୍ଲୁ ଘୋଷ୍ଟ ଚନ୍ଦ୍ରର ଭିତରର ଉତ୍ତାପ ପ୍ରବାହକୁ ଅଧ୍ୟୟନ କରିବ, ଫଳରେ ବୈଜ୍ଞାନିକମାନେ ଚନ୍ଦ୍ରରେ ଉତ୍ତାପର ଉତ୍ପତ୍ତି ଜାଣିପାରିବେ । ବ୍ଲୁ ଘୋଷ୍ଟ ମିଶନ ପ୍ରାୟ ଚଉଦ ଦିନର ଅଟେ, ଯାହା ଚନ୍ଦ୍ରରେ ଗୋଟିଏ ଦିନ ସହିତ ସମାନ ।
ଅବତରଣ କରିବାର ଅଧ ଘଣ୍ଟା ପରେ, ବ୍ଲୁ ଘୋଷ୍ଟ ଚନ୍ଦ୍ର ପୃଷ୍ଠରୁ ଚିତ୍ର ପଠାଇବା ଆରମ୍ଭ କରିଛି । ପ୍ରଥମ ଫଟୋ ଏକ ସେଲଫି ଥିଲା, ଯାହା ସୂର୍ଯ୍ୟଙ୍କ ଆଲୋକ ଦ୍ୱାରା ସାମାନ୍ୟ ଅସ୍ପଷ୍ଟ ଥିଲା । ଦ୍ୱିତୀୟ ଫଟୋରେ ଚନ୍ଦ୍ର, ଏକ ନୀଳ ବିନ୍ଦୁ, ସ୍ପେସ୍ ର କଳା ପୃଷ୍ଠଭୂମି ରହିଛି ।
Blue Ghost’s shadow seen on the Moon’s surface! We’ll continue to share images and updates throughout our surface operations. #BGM1 pic.twitter.com/iP7fWOSths
— Firefly Aerospace (@Firefly_Space) March 2, 2025
ତେବେ ଅନ୍ୟ ଦୁଇଟି କମ୍ପାନୀର ଲ୍ୟାଣ୍ଡର ଏହି ସପ୍ତାହ ଶେଷ ସୁଦ୍ଧା ଚନ୍ଦ୍ରରେ ପହଞ୍ଚିବ ବୋଲି ଆଶା କରାଯାଉଛି ।
Comments are closed.