ମୁମ୍ବାଇ: ଅଭିଷେକ ବଚ୍ଚନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଆଇ ୱାଣ୍ଟ ଟୁ ଟକ୍’ ର ଟ୍ରେଲର ରିଲିଜ ହୋଇଛି। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଶୋଜିତ୍ ସିରକାର। ଏହା ଏକ ଅତ୍ୟନ୍ତ ଭାବପ୍ରବଣ କାହାଣୀ ଭଳି ମନେହେବ। ଯେଉଁଥିରେ ଅଭିଷେକ ବଚ୍ଚନ ଏବଂ ଜନି ଲିଭର ମୁଖ୍ୟ ଭୂମିକାରେ ନଜର ଆସିବେ।
କାହାଣୀଟି ଜଣେ ବ୍ୟକ୍ତିଙ୍କ ଉପରେ ଆଧାରିତ। ଯାହାଙ୍କର ଅସ୍ତ୍ରୋପଚାର କରିବାକୁ ପଡିବ। ଏହି ଘଟଣାକୁ ନେଇ ତାଙ୍କ ପରିବାର ଏବଂ ସାଙ୍ଗମାନେ ତାଙ୍କୁ ସମର୍ଥନ କରୁଛନ୍ତି କିନ୍ତୁ ତାଙ୍କ ମନ ଭିତରେ ଚାଲିଥିବା ଯୁଦ୍ଧରୁ ସେ ଜିତିପାରୁନାହାଁନ୍ତି।
ଏହି ଚଳଚ୍ଚିତ୍ରରେ ଅଭିଷେକ ବଚ୍ଚନ ଅର୍ଜୁନ ଭୂମିକାରେ ନଜର ଆସିଛନ୍ତି। ଯିଏକି ଭୟଙ୍କର ରୋଗରେ ପିଡିତ ଥିବାବେଳେ ତାଙ୍କର ଏକ ଝିଅ ରହିଛି। ତାଙ୍କ ଝିଅ ଚରିତ୍ରରେ ଅହିଲ୍ୟା ବାମରୁ ନଜର ଆସିଛନ୍ତି।