ଚଣ୍ଡୀଗଡ: ଆମ ଆଦମୀ ପାର୍ଟିର ପୂର୍ବତନ ନେତା ତଥା କବି କୁମାର ବିଶ୍ୱାସ ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ଚାଂଚଲ୍ୟକର ବୟାନ ଦେଇଛନ୍ତି । ସେ କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପ ମୁଖ୍ୟ ଅରବିନ୍ଦ କେଜ୍ରିୱାଲ ଖଲିସ୍ତାନଙ୍କ ବଡ ସମର୍ଥକ ଅଟନ୍ତି । କ୍ଷମତା ହାସଲ ପାଇଁ ସେ ସବୁ ସ୍ତରକୁ ଯାଇପାରିବେ । ଆମେ ଏକତ୍ର ପାର୍ଟି ପାଇଁ କାମ କରୁଥିବା ବେଳେ ଖଲିସ୍ତାନ ସମର୍ଥନ ନେଇ ସେ ମୋତେ ଯେଉଁ କଥା କହିଥିଲେ ଚକିତ ହୋଇ ପଡିଥିଲି । ମନା କରିବା ସତ୍ୱେ ସେ କହିଥିଲେ ଆମର କିଛି ଅସୁବିଧା ହେବନି, ପଞ୍ଜାବ ମୁଖ୍ୟମନ୍ତ୍ରୀ ହେବି ନ ହେଲେ ଅଲଗା ଦେଶର ପ୍ରଧାନମନ୍ତ୍ରୀ ।
ପଞ୍ଜାବ ଏକ ରାଜ୍ୟ ନୁହେଁ, ଏହା ଏକ ଭାବନା । ସାରା ଦୁନିଆରେ ପଞ୍ଜାବିୟତ ଭାବନା ସହ ଆମେ ଖେଳିପାରିବା ନାହିଁ ବୋଲି କୁମାର ବିଶ୍ୱାସ କହିଥିଲେ । ସୂଚନାଯୋଗ୍ୟ, ପଞ୍ଜାବ ନିର୍ବାଚନ ଫେବୃୟାରୀ ୨୦ରୁ ଆରମ୍ଭ ହେବ ।
Comments are closed.