ରାୟଗଡା: ଆଜି ସ୍ୱାଧୀନତା ସଂଗ୍ରାମୀ ବିର୍ସା ମୁଣ୍ଡା ଙ୍କ ୧୪୮ ତମ ଜୟନ୍ତୀ । ଭାରତ ଇତିହାସରେ ଇଂରେଜ ସରକାରଙ୍କ ବିରୁଦ୍ଧରେ ଲଢ଼ି ସହିଦ ହୋଇଥିଲେ ବିର୍ସାମୁଣ୍ଡା । ଏହି ଅବସରରେ ବିର୍ସା ମୁଣ୍ଡାଙ୍କୁ ମନେପକାଇ ତାଙ୍କ ଜୟନ୍ତୀ ଗୁଣୁପୁର ଚଇତି ମଣ୍ଡପରେ ପାଳିତ ହୋଇଛି ।
ଏହି ସଭାରେ ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ବରିଷ୍ଠ ରାଜନେତା ଡ଼କ୍ଟର ଗିରିଧାରୀ ଗମାଙ୍ଗ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଵକ୍ତା ଭାବେ ଆଦିବାସୀ ଯୁବ ନେତା ଥିଓ ପିଲି ଗମାଙ୍ଗ ଏବଂ ସୁରେନ୍ଦ୍ର ମଲ୍ଲିକ ଯୋଗ ଦେଇ ବିର୍ସା ମୁଣ୍ଡାଙ୍କ ଜୀବନୀ ଉପରେ ଆଲୋକପାତ କରିଥିଲେ ।
ଏହି କାର୍ଯ୍ୟକ୍ରମରେ ବହୁ ଆଦିବାସୀ ବିଭିନ୍ନ ଅଞ୍ଚଳରୁ ଯୋଗ ଦେଇଥିଲେ । କାର୍ଯ୍ୟକ୍ରମ ରେ ଡ଼କ୍ଟର ଗିରିଧାରୀ ଗମାଙ୍ଗ ଙ୍କ ଚିତାକର୍ଷକ ପିତ୍ତଳ ସାମଗ୍ରୀ ରେ ବାଦ୍ୟ ଉପସ୍ଥିତ ଦର୍ଶକଙ୍କୁ ବିମୋହିତ କରିଥିଲା । ଫାଲଗୁନି ଶବର, କୈଳାସ ଶବର ଓ ବିଦ୍ୟା ଶବରଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
Comments are closed.