ମୁମ୍ବାଇ: ବଲିଉଡ଼ ଅଭିନେତ୍ରୀ କିଆରା ଆଡ଼ଭାନୀ ଫିଲ୍ମ ‘ଗେମ୍ ଚେଞ୍ଜର’କୁ ନେଇ ଖୁବ୍ ଚର୍ଚ୍ଚାରେ ଅଛନ୍ତି । ଏହି ଫିଲ୍ମକୁ ନେଇ କିଆରା ବେଶ୍ ଉତ୍ସାହିତ ଅଛନ୍ତି । ଏଥିରେ ତାଙ୍କର ନାୟକ ସାଜିଛନ୍ତି ସାଉଥ୍ ସୁପରଷ୍ଟାର ରାମଚରଣ । ଏଥିରେ ନିର୍ଦ୍ଦେଶନା ଦେବେ ଦକ୍ଷିଣ ଭାରତୀୟ ଫିଲ୍ମର ଜଣାଶୁଣା ନିର୍ଦ୍ଦେଶକ ଏସ୍. ଶଙ୍କରଙ୍କର । ଏହାର ସୁଟିଂ ଖୁବ୍ଶୀଘ୍ର ଆରମ୍ଭ ହେବ । ଉଭୟ ଉତ୍ତର ଓ ଦକ୍ଷିଣ ଭାରତରେ ଧୁମ୍ ମଚାଇବାର ସବୁ ସମ୍ଭାବନା ଥିବା ଏ ହାଇ ବଜେଟ୍ ଫିଲ୍ମଟି କିଆରାଙ୍କ କ୍ୟାରିୟର ପାଇଁ ମଧ୍ୟ ଗେମ୍ ଚେଞ୍ଜର ହେବ ବୋଲି ଆଶା କରା ଯାଉଛି ।
ସାଦାସିଧା ଓ ଚୁଲ୍ବୁଲି ବ୍ୟକ୍ତିତ୍ୱ ସଂପନ୍ନ ଅଭିନେତ୍ରୀ କିଆରାଙ୍କର ଏବେ ଅସଂଖ୍ୟ ପ୍ରଶଂସକ । କିଆରା ସେମିତି ବଡ଼ ବଜେଟ୍ ଫିଲ୍ମରେ ଅଭିନୟ କରି ନ ଥିଲେ ବି ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିବାରେ ସକ୍ଷମ ହୋଇଛନ୍ତି । ତେଣୁ ସେ ନିଜର ଆଗାମୀ ଫିଲ୍ମ ‘ଗେମ୍ ଚେଞ୍ଜର’କୁ ନେଇ ଭାରି ଉତ୍ସାହିତ ଅଛନ୍ତି ।
Comments are closed.