ସମ୍ୱଲପୁର: କଟକ ଏସସିବି ସର୍ଜରୀ ଓ୍ୱାର୍ଡରୁ ଗ୍ୟାଙ୍ଗଷ୍ଟର ହାଇଦର ଫେରାର୍ ଘଟଣାରେ କାର୍ୟ୍ୟାନୁଷ୍ଠାନ ଜାରି ରହିଛି । ଗତକାଲି ଦୁଇ ପୋଲିସ କର୍ମଚାରୀ ଗିରଫ ହୋଇଥିବା ବେଳେ ସମ୍ୱଲପୁର ରିଜର୍ଭ ଇନିସପେକ୍ଟରଙ୍କୁ ବଦଳି କରାଯାଇଛି । ତାଙ୍କ ନାଁ ମଧୁସୂଦନ ମହାପାତ୍ର । ତାଙ୍କୁ ବୌଦ୍ଧ ଜିଲ୍ଲାକୁ ବଦଳି କରାଯାଇଛି । ତାଙ୍କ ସ୍ଥାନରେ ବୌଦ୍ଧରେ ଥିବା ରାଜୀବଲୋକନ ସେଠଙ୍କୁ ନିଯୁକ୍ତି ଦିଆଯାଇଛି । ଦାୟିତ୍ୱ ବଣ୍ଟନରେ ଗୁରୁତ୍ୱପର୍ଣ୍ଣ ଭୂମିକା ରହୁଥିବାରୁ ମଧୁସୂଦନ ମହାପାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ହୋଇଛି ।
ଗତକାଲି ହାଇଦର ଫେରାର୍ ଘଟଣାରେ ସମ୍ୱଲପୁର ଜଲ ଓ୍ୱାର୍ଡର ଶିବନାରାୟଣ ନନ୍ଦ ଓ ହାଇଦର ସୁରକ୍ଷା ଦାୟିତ୍ୱରେ ଥିବା କନଷ୍ଟେବଳ ମହମ୍ମଦ ମୋସିମକୁ ଗିରଫ କରାଯାଇଥିଲା । ଶିବନାରାୟଣ ନିଜ ମୋବାଇଲ୍ ଫୋନ୍ ହାଇଦରକୁ ବିଭିନ୍ନ ସମୟରେ ଦେଉଥିଲେ । ସେହିପରି ମୋସିମ୍ ହାଇଦର ପାଖରୁ ଖାଇଥିଲେ । ବର୍ତ୍ତମାନ ସୁଦ୍ଧା ଦୁଇ ପୋଲିସ କର୍ମଚାରୀଙ୍କୁ ମିଶାଇ ହାଇଦର ଫେରାର୍ ଘଟଣାରେ ବନ୍ଧା ହେଲେଣି ୮ ଜଣ ।
Comments are closed.