ଅଟୋ ସହ ୫ ଲକ୍ଷ ଟଙ୍କାର ଗଞ୍ଜେଇ ଜବତ, ୩ ଗିରଫ

କଳାହାଣ୍ଡି : ଗଞ୍ଜେଇ ଚାଲାଣକୁ ବିଫଳ କଲା ପୋଲିସ । ଅଟୋରେ ଗଞ୍ଜେଇ ଆଣି ଟ୍ରେନ ଯୋଗେ ଝାନସି ଚାଲାଣ କରିବା ପୂର୍ବରୁ ମାଡି ବସିଲା ପୋଲିସ । ଏପରି ଘଟଣା ଘଟିଛି ରାୟଗଡା ଜିଲ୍ଲା ମୁନିଗୁଡାରେ । କଳାହାଣ୍ଡି ଜିଲ୍ଲା ଏମ. ରାମପୁର ଥାନା ପାଙ୍ଗାବାଜୁ ଗାଁରୁ ଡ୍ରାଇଭର ସମେତ ୩ଜଣ ୩ଟି ବ୍ୟାଗରେ ଗଞ୍ଜେଇ ଆଣିଥିଲେ । ଏହି ଗଞ୍ଜେଇକୁ ମୁନିଗୁଡା ଷ୍ଟେସନରୁ ଟ୍ରେନ ଯୋଗେ ଝାନସିକୁ ଚାଲାଣ ପାଇଁ ଯୋଜନା କରୁଥିଲେ । କିନ୍ତୁ ଖବର ପାଇ ମୁନିଗୁଡା ଷ୍ଟେସନରୁ ଗଞ୍ଜେଇକୁ ଜବତ କରିଛି ପୋଲିସ । ୫୫ କେଜିରୁ ଅଧିକ ଗଞ୍ଜେଇ ଜବତ ହୋଇଥିବା ବେଳେ, ଏହାର ଆନୁମାନିକ ମୂଲ୍ୟ ୫୫ ଲକ୍ଷ ଟଙ୍କାରୁ ଅଧିକ ହେବ । ଘଟଣାରେ ଅଟୋ ଡ୍ରାଇଭର ମିତେଶ୍ବର ମାଝି ଓ ଚାଲାଣକାରି ଲକ୍ଷ୍ମୀଧର ଦଣ୍ଡିଆ ଓ ସୁରେନ୍ଦ୍ର ଘଡେଇକୁ ପୋଲିସ ଗିରଫ କରିଛି ।