ପାରଳାଖେମୁଣ୍ଡି: ଗଜପତି ଜିଲ୍ଲାରୁ ଏକ ଟ୍ରକ୍ ଭିତରୁ ପୋଲିସ ପ୍ରାୟ ୧୦ କ୍ୱିଣ୍ଟାଲ୍ ଓଜନର ଗଞ୍ଜେଇ ଜବତ କରିବା ସହ ୨ ଜଣଙ୍କୁ ଗିରଫ କରିଛି ।
ମିଳିଥିବା ସୂଚନାନୁଯାୟୀ ପୋଲିସ ପକ୍ଷରୁ ଜାରି ରାତ୍ରୀ ପାଟ୍ରୋଲିଂ ସମୟରେ ମୋହନା ନିକଟରେ ଏକ ପିଆଜ ବୋଝେଇ ଟ୍ରକରୁ ମାଦକ ଦ୍ରବ୍ୟ ଭର୍ତ୍ତି ୩୮ଟି ପ୍ଲାଷ୍ଟିକ୍ ବ୍ୟାଗ୍ ଜବତ କରାଯାଇଥିଲା ।
ଏହି ଘଟଣାରେ ୨ ଜଣଙ୍କୁ ଗିରଫ କରିଛି ପୋଲିସ ।
ଗିରଫ ଅଭିଯୁକ୍ତ ମାନେ ରାଉରକେଲାର ନିଖିଳ କୁମାର ଓ ଅନୁରାଗ କୁମାର ବୋଲି ଜଣାପଡିଛି । ଏଥିସହିତ ପୋଲିସ ଟ୍ରକ୍ ମଧ୍ୟ ସିଜ୍ କରିଛି ।
ତେବେ ଜବତ ଗଞ୍ଜେଇର ଆନୁମାନିକ ମୂଲ୍ୟ ୫୦ ଲକ୍ଷ ହେବ ଏହି ଘଟଣାରେ ଆଉ କିଏ କିଏ ସମ୍ପୃକ୍ତ ଅଛନ୍ତି, ସେନେଇ ତଦନ୍ତ ଜାରି ରହିଥିବା ପୋଲିସ ସୁତ୍ରରୁ ପ୍ରକାଶ।
Comments are closed.