ମୁମ୍ବାଇ : କନ୍ନଡ ସୁପରଷ୍ଟାର ଶିବ କୁମାରଙ୍କ ବହୁ ପ୍ରତୀକ୍ଷିତ ଆକ୍ସନ ଥ୍ରୀଲର ଫିଲ୍ମ ‘ଘୋଷ୍ଟ’ର ଟ୍ରେଲର ହିନ୍ଦୀରେ ରିଲିଜ ହୋଇଛି । ଟ୍ରେଲର ରିଲିଜ ହେବା ମାତ୍ରେ ପ୍ରଶଂସକଙ୍କୁ ଏହା ଖୁବ୍ ପସନ୍ଦ ଆସିଛି । ଏହି ଫିଲ୍ମ ଆସନ୍ତା ଅକ୍ଟୋବର ୧୯ ରେ ପ୍ରେକ୍ଷାଳୟରେ ରିଲିଜ୍ ହେବ । ଶିବ କୁମାରଙ୍କ ସହ ଭେଟେରାନ ଅଭିନେତା ଅନୁପମ ଖେର ମଧ୍ୟ ‘ଘୋଷ୍ଟ’ରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ ।
ଆକ୍ସନ ପ୍ୟାକ ହୋଇଥିବା ଫିଲ୍ମ ‘ଘୋଷ୍ଟ’ର ଟ୍ରେଲର ଏହି ଫିଲ୍ମ ବିଷୟରେ ଦର୍ଶକଙ୍କ ଉତ୍ସାହକୁ ବଢ଼ାଇ ଦେଇଛି । ଏଥିରେ ମୁଖ୍ୟ ଭୂମିକାରେ ଅଭିନୟ କରିଛନ୍ତି ଶିବକୁମାର । ସେ ଜେଲ ଦଖଲ କରିବାକୁ ଯାଉଥିବା ଜଣେ ଗ୍ୟାଙ୍ଗଷ୍ଟର ଭୂମିକାରେ ନଜର ଆସିବେ । ଅନୁପମ ଖେରଙ୍କ ଚରିତ୍ର ମଧ୍ୟ ବହୁତ ସ୍ୱତନ୍ତ୍ର ରହିଛି । ଶିବ ରାଜକୁମାରଙ୍କ ପ୍ୟାନ ଇଣ୍ଡିଆ ଚଳଚ୍ଚିତ୍ର ‘ଘୋଷ୍ଟ’ ହେଉଛି ସାଣ୍ଡାଲଉଡର ପରବର୍ତ୍ତୀ ବଡ ଫିଲ୍ମ । ଏହାକୁ ଶ୍ରୀନୀ ନିର୍ଦ୍ଦେଶନା ଦେଇଛନ୍ତି ।
ଏହି ଫିଲ୍ମରେ ଅନ୍ୟମାନଙ୍କ ମଧ୍ୟରେ ଜୟରାମ, ପ୍ରଶାନ୍ତ ନାରାୟଣନ, ଅର୍ଚ୍ଚନା ଜୋଏସ, ସତ୍ୟ ପ୍ରକାଶ ମଧ୍ୟ ନଜର ଆସିବେ । ଟ୍ରେଲରରେ ଶିବକୁମାରର ଆକ୍ସନ-ପ୍ୟାକ ହୋଇଥିବା ଅବତାର ପ୍ରଦର୍ଶିତ ହୋଇଛି ।
Comments are closed.