ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାର ୧୧ତମ ଦିନରେ ଭାରତୀୟ ବ୍ୟାଡମିଂଟନ ଖେଳାଳି ଦେଶ ପାଇଁ ୨ଟି ସ୍ୱର୍ଣ୍ଣ ଜିତିଛନ୍ତି । ସେମାନେ ହେଲେ ଲକ୍ଷ୍ୟ ସେନ ଓ ପିଭି ସିନ୍ଧୁ । ପୁରୁଷ ସିଙ୍ଗଲ୍ସରେ ଲକ୍ଷ୍ୟ ସେନ ମାଲେସିଆର ଜେଇ ୟଙ୍ଗଙ୍କୁ ୧୯-୨୧, ୨୧-୯ ଓ ୨୧-୧୬ରେ ପରାସ୍ତ କରି ଏହି ସଫଳତା ହାସଲ କରିଛନ୍ତି । ୨୦ ବର୍ଷୀୟ ଲକ୍ଷ୍ୟ ପ୍ରଥମ ଗେମ ହାରିଥିଲେ ମଧ୍ୟ ଏହା ପରେ ଜବରଦସ୍ତ ପ୍ରତ୍ୟାବର୍ତନ କରି କ୍ରମାଗତ ୨ଟି ଗେମ ଜିତି ମ୍ୟାଚରେ ବିଜୟୀ ହୋଇଥିଲେ । ଏହା ପୂର୍ବରୁ ପୁରୁଷ ସିଙ୍ଗଲ୍ସରେ ଭାରତ ପକ୍ଷରୁ ୨୦୧୪ରେ ପି.କାଶ୍ୟପ ସ୍ୱର୍ଣ୍ଣ ଜିତିଥିଲେ । ମହିଳା ସିଙ୍ଗଲ୍ସରେ ଅଲିମ୍ପିକ୍ସ ପଦକ ବିଜେତା ସିନ୍ଧୁ କାନାଡାର ମିଶେଲ ଲୀଙ୍କୁ ୨୧-୧୫ ଓ ୨୧-୧୩ ସିଧାସଳଖ ଗେମରେ ପରାସ୍ତ କରି ସ୍ୱର୍ଣ୍ଣ ପଦକ ହାତେଇଥିଲେ । ଏହା ପୂର୍ବରୁ ୨୦୧୮ରେ ସେ ସ୍ୱର୍ଣ୍ଣ ପଦକ ହାସଲ କରିଥିଲେ । ଭାରତର ସ୍ୱର୍ଣ୍ଣ ସଂଖ୍ୟା ଏବେ ୨୦ରେ ପଂହଚିଛି । ଟେବୁଲ ଟେନିସ ପୁରୁଷ ସିଙ୍ଗଲ୍ସରେ ସାଥିୟାନ ଗଣନାଶେଖରନ ଇଂଲଣ୍ଡର ଡ୍ରକ ହେଲଙ୍କୁ ୧୧-୯, ୧୧-୩, ୧୧-୫, ୮-୧୧, ୯-୧୧, ୧୦-୧୨ ଓ ୧୧-୯ରେ ପରାସ୍ତ କରି ବ୍ରୋଞ୍ଜ ପଦକ ହାସଲ କରିଛନ୍ତି ।
Comments are closed.