ଗୁଗୁଲରେ ଇଣ୍ଟର୍ଣ୍ଣଶିପ୍ କରିବାର ବଡ଼ ସୁଯୋଗ, ଆରମ୍ଭ ହେଲା ଆବେଦନ ପ୍ରକ୍ରିୟା

ନୂଆଦିଲ୍ଲୀ: ଗୁଗୁଲ ସମର୍ ୨୦୨୬ ପାଇଁ ସଫ୍ଟୱେୟାର ଇଞ୍ଜିନିୟର ପିଏଚଡି ଇଣ୍ଟର୍ଣ୍ଣଶିପ୍ ପାଇଁ ବିଜ୍ଞପ୍ତି ବାହାରିଛି। ଏହି ଇଣ୍ଟର୍ଣ୍ଣଶିପ୍ ଭାରତର ତିନି ପ୍ରମୁଖ ଟେକ୍ ସହର – ବେଙ୍ଗାଲୁରୁ, ହାଇଦ୍ରାବାଦ ଓ ପୁଣେରେ ଆୟୋଜିତ ହେବ। ଆବେଦନ ପ୍ରକ୍ରିୟା ଆରମ୍ଭ ହୋଇସାରିଛି ଏବଂ ଆଗ୍ରହୀ ପ୍ରାର୍ଥୀମାନେ Google Careers ୱେବସାଇଟ୍‌ରେ ଅନଲାଇନ୍ ଆବେଦନ କରିପାରିବେ।
ଗୁଗୁଲ୍‌ର ଏହି ଇଣ୍ଟର୍ଣ୍ଣଶିପ୍ ପଢ଼ା ସହିତ ବାସ୍ତବ ଅନୁଭବ ଦେବା ସହିତ ବ୍ୟକ୍ତିଗତ ଓ ପେଶାଦାର ବିକାଶର ଅନନ୍ୟ ସୁଯୋଗ ଦେବ। କମ୍ପାନୀ କହିଛି, “ଆମ ସହିତ ଯୋଗ ଦିଅନ୍ତୁ ୧୨ରୁ ୧୪ ସପ୍ତାହର ବେତନଭୁକ୍ତ ଇଣ୍ଟର୍ଣ୍ଣଶିପ୍ ପାଇଁ, ଯେଉଁଠି ଶିଖିବା, ବଢ଼ିବା ଓ ବିଶ୍ୱର ଶ୍ରେଷ୍ଠ ଇଞ୍ଜିନିୟରମାନଙ୍କ ସହ କାମ କରିବାର ସୁଯୋଗ ମିଳିବ।” ଏହି କାର୍ଯ୍ୟକ୍ରମ ଜଟିଳ କମ୍ପ୍ୟୁଟର ସାଇନ୍ସ ସମସ୍ୟା, ସ୍କେଲେବଲ ସଫ୍ଟୱେୟାର ସିଷ୍ଟମ ନିର୍ମାଣ ଓ ରିସର୍ଚ୍ଚ ପ୍ରୋଜେକ୍ଟରେ ସହଯୋଗ କରିବାର ଅବସର ଦେବ।
ଇଣ୍ଟର୍ଣ୍ଣମାନେ କ’ଣ କରିବେ?
ପ୍ରତ୍ୟେକ ଇଣ୍ଟର୍ଣ୍ଣ କମ୍ପାନୀର ବାସ୍ତବ ଆବଶ୍ୟକତା ସହିତ ଜଡ଼ିତ ମୂଲ୍ୟବାନ ପ୍ରୋଜେକ୍ଟରେ କାମ କରିବେ। ମୁଖ୍ୟ ଦାୟିତ୍ୱ: ଟିମ୍‌ରେ ନବୀନତା ଓ ସହଯୋଗ, ସ୍କେଲେବଲ ସମାଧାନ ବିକାଶ, ଡାଟା ବିଶ୍ଲେଷଣ ଓ ଥିଓରୀକୁ ବାସ୍ତବରେ ପ୍ରୟୋଗ।
କିଏ ଆବେଦନ କରିପାରିବେ?
ପିଏଚଡିରେ ନାମାଙ୍କିତ ଥିବା ଛାତ୍ର, ଯେଉଁମାନଙ୍କର Java, C/C++, Python ଆଦି଼ ଭାଷାରେ ଦକ୍ଷତା, Unix/Linux ଅନୁଭବ ଓ ଡାଟା ଷ୍ଟ୍ରକ୍ଚର, ଆଲ୍ଗୋରିଦମ ଜ୍ଞାନ ରହିଛି। ML, AI, ଡିଷ୍ଟ୍ରିବ୍ୟୁଟେଡ୍ ସିଷ୍ଟମ ଆଦିରେ ରିସର୍ଚ୍ଚ ଥିଲେ ପ୍ରାଥମିକତା।
ଚୟନ ରିଜ୍ୟୁମେ ଓ ରିସର୍ଚ୍ଚ ବ୍ୟାକଗ୍ରାଉଣ୍ଡ ଆଧାରରେ ହେବ। ବେତନଭୁକ୍ତ ଇଣ୍ଟର୍ଣ୍ଣଶିପ୍‌ରେ ପ୍ରତିଯୋଗିତାମୂଳକ ଭତ୍ତା ମିଳିବ।