ଲଣ୍ଡନ: ରୱାଣ୍ଡା, ଉଗାଣ୍ଡା ଓ କଙ୍ଗୋ ଭଳି ତିନୋଟି ଆଫ୍ରିକୀୟ ଦେଶରେ ଗରିଲାଙ୍କୁ ଲକ୍-ଡାଉନରେ ରଖାଯାଇଛି । ସମସ୍ତ ଅଭୟାରଣ୍ୟ ବନ୍ଦ ଥିବାବେଳେ ଲକ୍-ଡାଉନ୍ ତାଲିକାରେ ଓରାଙ୍ଗଓଟାନ ଭଳି ଲୋପ ପାଉଥିବା ଜାତିକୁ ବି ସାମିଲ କରାଯାଇଛି ।
Gorillas in Rwanda, Uganda and Democratic Republic of Congo ‘on lockdown’ amid coronavirus fears https://t.co/oCDBs6IG4K
— Daily Mail Online (@MailOnline) April 10, 2020
ଡେଲି ମେଲ୍ ରିପୋର୍ଟ ଅନୁଯାୟୀ ଗରିଲା ଓ ଓରାଙ୍ଗଓଟାନଙ୍କ ବଂଶ ଲୋପ ପାଉଥିବାବେଳେ ପୂର୍ବରୁ ଏହି ପଶୁମାନଙ୍କୁ ଇବୋଲା ଭଳି ଭାଇରସ୍ ବି ସଂକ୍ରମଣ କରିସାରିଛି । ତେବେ କରୋନାଭାଇରସକୁ ନେଇ କୌଣସି ରିସ୍କ ନ ନେବା ପାଇଁ ଏହି ଦୁଇଟି ଲୋପ ପାଉଥିବା ଜାତିଙ୍କୁ ଲକ୍-ଡାଉନରେ ରଖାଯାଇଛି ।
ଗରିଲା କିମ୍ବା ଓରାଙ୍ଗଓଟାନଙ୍କୁ କରୋନା ସଂକ୍ରମିତ ହେବା ନେଇ କୌଣସି ଖବର ସାମ୍ନାକୁ ଆସିନି । ହେଲେ ବ୍ରୋଙ୍କସ୍ ପଶୁ ବାଟିକାରେ ମଲୟାନ୍ ବାଘୁଣୀ ନାଦିଆକୁ କରୋନା ସଂକ୍ରମିତ ହେବା ପରେ ଗରିଲା ଓ ଓରାଙ୍ଗଓଟାନଙ୍କୁ ଲକ୍-ଡାଉନ୍ ରେ ରଖାଯାଇଥିବା କହିଛନ୍ତି ଗରିଲା ପଶୁବିଶେଷଜ୍ଞ କିର୍ଷ୍ଟନ୍ ଗିଲାର୍ଡି ।