ମୁମ୍ବାଇ: ବଲିଉଡର ଖିଲାଡି ବୟ ଅକ୍ଷୟ କୁମାରଙ୍କର ଆଜି ହେଉଛି ଜନ୍ମଦିନ । ୫୩ରେ ପଦାର୍ପଣ କରିଛନ୍ତି ବଲିଉଡର ଏହି ଖିଲାଡି ବୟ ।ଜନ୍ମଦିନ ଅବସରରେ ଅକ୍ଷୟଙ୍କୁ ଛୁଟୁଛି ଶୁଭେଚ୍ଛାର ସୁଅ ।
ଅକ୍ଷୟଙ୍କୁ ପ୍ରଥମେ ଅଭିନୟର ସୁଯୋଗ ମିଳିଲା ୧୯୯୧ ମସିହାର ଫିଲ୍ମ ସୌଗନ୍ଧରେ । ଆଉ ଏହାପରେ ସେ ଆଉ ପଛକୁ ଚାହିଁ ଦେଖି ନାହାଁନ୍ତି । ଏହାପରେ ସେ ବଲିଉଡରେ ଧିରେ ଧିରେ ଖିଲାଡି କୁମାର୍ ଭାବେ ପରିଚିତ ହେଲେ । ଖିଲାଡି ସିରିଜ୍ ଯେପରି ଖିଲାଡି, ମେଁ ଖିଲାଡି ତୁ ଅନାଡି, ସବସେ ବଡା ଖିଲାଡି, ଖିଲାଡିଓଁ କା ଖିଲାଡି, ମିଷ୍ଟର ଆଣ୍ଡ ମିସେସ୍ ଖିଲାଡି, ଇଣ୍ଟରନ୍ୟାସ୍ନାଲ୍ ଖିଲାଡି, ଏବଂ ଖିଲାଡି ୪୨୦ ରେ ଅଭିନୟ କରି ନିଜର ଷ୍ଟଂଟ୍ ଓ ଆକ୍ସନର ଜବରଦସ୍ତ ନମୁନା ପ୍ରଦର୍ଶନ କରିଥିଲେ ଅକ୍ଷୟ ।
ଆକ୍ସନ୍ ଫିଲ୍ମ ପରେ ପରେ ଧିରେ ଧିରେ କମେଡି ଫିଲ୍ମରେ ପ୍ରବେଶ କଲେ ଅକ୍ଷୟ ।ଅକ୍ଷୟଙ୍କ ଅଭିନୟର ଯାଦୁଗରିତା କେବଳ ଆକ୍ସନ ନୁହେଁ କି କମେଡି ନୁହେଁ ବରଂ, ରୋମାଣ୍ଟିକ ତଥା ସାମାଜିକ ବାର୍ତ୍ତା ଫିଲ୍ମ ଗୁଡିକରେ ମଧ୍ୟ ଦେଖିବାକୁ ମିଳିଛି।
ଅକ୍ଷୟ ବଲିଉଡରେ ପ୍ରବେଶ କରିବା ପୂର୍ବରୁ ବ୍ୟାଙ୍ଗକକ୍ ଯାଇ, ସେଠାରେ ତାଇକୋଣ୍ଡା ଏବଂ ମାର୍ସିଆଲ ଆର୍ଟରେ ସ୍ୱତନ୍ତ୍ର ଟ୍ରେନିଂ ନେଇଥିଲେ । ସେଠାରେ ଜଣେ କୁକ୍ ଭାବେ ମଧ୍ୟ ସେ କାମ କରୁଥିଲେ । ଭାରତ ଫେରିବା ପରେ ସେ ମଡେଲିଂରେ ପାଦ ରଖିଥିଲେ । ଏହାପରେ ଅଭିନୟ ଦୁନିଆରେ।
ଏକାଧିକ ଅଭିନେତ୍ରୀଙ୍କ ସହ ତାଙ୍କ ନାଁ ଯୋଡା ଯାଇଥିଲେ ସୁଦ୍ଧା ୨୦୦୧ ମସିହାରେ ଶେଷରେ ଟ୍ୱିଙ୍କିଲ ଖାନାଙ୍କୁ ବିବାହ କରିଥିଲେ ଅକ୍ଷୟ । ଉଭୟଙ୍କ ୨ ଟି ସନ୍ତାନ ମଧ୍ୟ ଅଛନ୍ତି ।
Comments are closed.