ନୂଆଦିଲ୍ଲୀ: ବିଶ୍ୱକପର ସୁପର-୧୨ ମ୍ୟାଚରେ ଭାରତଠାରୁ ଜିତିବା ପରେ ପାକିସ୍ତାନର ଭାଉ କାହିଁରେ କଣ । ପୂର୍ବତନ ଭାରତୀୟ କ୍ରିକେଟରଙ୍କୁ କିଛି ପାକିସ୍ତାନ ଖେଳାଳି ସୋସିଆଲ୍ ମିଡିଆରେ ତାତ୍ସଲ୍ୟ କରୁଛନ୍ତି । ଏହି ଲିଷ୍ଟରେ ଅଛନ୍ତି ପାକିସ୍ତାନର ପୂର୍ବତନ ଫାଷ୍ଟ ବୋଲର ମହମ୍ମଦ ଆମୀର । ଏବେ ସୋସିଆଲ୍ ମିଡିଆରେ ମହମ୍ମଦ ଆମୀର ଓ ହରଭଜନ ସିଂହଙ୍କ ଭିତରେ ଟ୍ୱିଟ୍ ଓ୍ୱାର୍ ଚାଲିଛି ।
ହରଭଜନଙ୍କୁ କଟାକ୍ଷ କରି ମହମ୍ମଦ ଆମୀର ଲେଖିଥିଲେ, ଟେଷ୍ଟରେ ହରଭଜନଙ୍କ ଗୋଟିଏ ଓଭରରେ ସାହିଦ ଆଫ୍ରିଦି ୪ଟି ଛକା ମାରିଥିଲେ । କ୍ରିକେଟରେ ୪ଟି ଛକା ମାରି ହେବ । କିନ୍ତୁ ଟେଷ୍ଟରେ ଟିକେ ଅଧିକ ହୋଇଥିବା ବୋଲି ଆମୀର କଟାକ୍ଷ କରିଥିଲେ ।
Lords mai no ball kaise ho gya tha ?? Kitna liya kisne diya ? Test cricket hai no ball kaise ho sakta hai ? Shame on u and ur other supporters for disgracing this beautiful game https://t.co/nbv6SWMvQl
— Harbhajan Turbanator (@harbhajan_singh) October 26, 2021
ଜବାବରେ ଭଜି ଲର୍ଡସରେ ନୋ ବଲ୍ କଥା ମନେ ପକାଇଥିଲେ । ହରଭଜନ ଟ୍ୱିଟ୍ କରି ଲେଖିଥିଲେ, ଲର୍ଡସରେ ନୋ ବଲ୍ କିଭଳି ହେଲା ? ଟେଷ୍ଟ କ୍ରିକେଟରେ ନୋ ବଲ୍ କେମିତି ହେଲା ? କେତେ ନେଇଥିଲ ଓ କିଏ ଦେଇଥିଲା ବୋଲି ପାଲଟା ଜବାବ ଦେଇଥିଲେ ଭଜି । ଉତ୍ତରରେ ଆମୀର ଲେଖିଥିଲେ ନିଆଁ ଲାଗିଗଲା । ଭାଗୋ ଭାଗୋ ଲାଲ ଆୟା ।
ଭଜି ଏକ ଭିଡିଓ ସେୟାର କରି ଆମୀରଙ୍କ ଧଜିଆ ଉଡ଼ାଇ ଦେଇଛନ୍ତି । ମୁହଁତୋଡ ଜବାବ ମିଳିବା ପରେ ଶେଷରେ ଆମୀରଙ୍କ ବୋଲତି ବନ୍ଦ ହେଇଗଲା । ଭିଡିଓରେ ଆମୀରଙ୍କୁ ହରଭଜନ ଛକା ମାରୁଥିବା ନଜର ଆସିଛନ୍ତି । ହରଭଜନ ଲେଖିଛନ୍ତି, ଫିକ୍ସର କୋ ସିକ୍ସର । ଆଉଟ୍ ଅଫ୍ ପାକ୍ ।
Fixer ko sixer.. out of the park @iamamirofficial chal daffa ho ja pic.twitter.com/UiUp8cAc0g
— Harbhajan Turbanator (@harbhajan_singh) October 26, 2021
ଖେଳରେ ହାର ଜିତ ଅଛି । ଜଣେ ଜିତିବ, ଆଉ ଜଣେ ହାରିବ । କିନ୍ତୁ ଗତ ୨୪ ତାରିଖରେ ଭାରତଠାରୁ ବିଶ୍ୱକପରେ ପ୍ରଥମ ଥର ଜିତିଥିବା ପାକିସ୍ତାନ ଖୁସିରେ ଯେମିତି ପାଗଳ ହୋଇ ଯାଇଛି । ସେହି ଦେଶର ପୂର୍ବତନ କ୍ରିକେଟର ଯେମିତି କେବେ ଲଡୁ ଖାଇ ନଥିବା ପିଲାଙ୍କ ଭଳି ହେଉଛନ୍ତି ।