ସୁଶାନ୍ତ ରାଜପୁତଙ୍କ ମୃତ୍ୟୁ: ଅଧିକ ତଦନ୍ତ ଦାବି କରି ଟ୍ୱିଟ୍ କଲେ ଓଡ଼ିଶାର ଏହି ଆଇପିଏସ୍ ଅଧିକାରୀ

ଭୁବନେଶ୍ୱର: ଓଡ଼ିଶା କ୍ୟାଡ଼ରର ବରିଷ୍ଠ ଆଇପିଏସ ଅଧିକାରୀ ଅମିତାଭ ଠାକୁର ବଲିଉଡ଼ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁରେ ଅଧିକ ତଦନ୍ତ ଦାବି କରିଛନ୍ତି ।

୧୯୯୮ ବ୍ୟାଚର ଏହି ଆଇପିଏସ ଅଧିକାରୀ ଟ୍ୱିଟ୍ କରି ମଙ୍ଗଳବାର ଦିନ କହିଛନ୍ତି, “ମୁଁ ଦୃଢ ନିଶ୍ଚିତ ଯେ, ସେ ଏହା କେବେବି କରି ନଥିବେ । ସେ ସବୁବେଳେ ମଧ୍ୟ କିଛି କିଛି ଲେଖୁଥିଲେ, ସେ କାହିଁକି ଏବାବଦରେ କିଛି ଲେଖିଲେନି…ସକାଳେ ଜୁସ୍ ପିଇଥିଲେ…ଏହା ଅବିଶ୍ୱସନୀୟ…ଅଧିକ ତଦନ୍ତ ହେଉ ।”

Having known @itsSSR for a long time now, am pretty sure he can’t do this. He used to pen down everything, and why would he not leave a note..had pomegranate juice in the morning…c’mon not believable. Needs probe @opsinghips @arunbothra #SushanthSinghRajput @shekharkapur

— AMITABH THAKUR (@AMITABHTHAKUR21) June 16, 2020

ଶ୍ରୀ ଠାକୁର ଯିଏକି ସୁଶାନ୍ତଙ୍କର ଜଣେ ନିକଟତମ ସମ୍ପର୍କୀୟ, ତାଙ୍କ ବାହାଘରରେ ମଧ୍ୟ ପିଲାଟି ବେଳେ ସୁଶାନ୍ତ ଯୋଗ ଦେଇଥିଲେ ।

ସେହିପରି ଭାବେ ସୋମବାର ଦିନ, ଅନ୍ୟ ଜଣେ ଓଡ଼ିଶା କ୍ୟାଡ଼ରର ଆଇପିଏସ ଅଧିକାରୀ ଅରୁଣ ବୋଥ୍ରା ବରିଷ୍ଠ ସାମ୍ବାଦିକ ରାଜଦୀପ ସରଦେଶାଇଙ୍କ ଟ୍ୱିଟକୁ କାଉଣ୍ଟର୍ କରିଛନ୍ତି । ରାଜଦୀପ ତାଙ୍କ ଟ୍ୱିଟରେ ପ୍ରଶ୍ନ କରିଥିଲେ ଯେ, ଏହି ଘଟଣାର ଅଧିକ ତଦନ୍ତ କ’ଣ ପାଇଁ? ଶ୍ରୀ ବୋଥ୍ରା ରାଜଦୀପଙ୍କ ପ୍ରଶ୍ନର ଉତ୍ତର ଦେଇ ଲେଖିଛନ୍ତି ଯେ, ପ୍ରତ୍ୟେକ ଅପମୃତ୍ୟୁ ଲାଗି ଭାରତୀୟ ପିଙ୍ଗଳ କୋର୍ଡ଼ ୧୭୪ ଧାରା ଅନୁଯାୟୀ ତଦନ୍ତ ବାଧ୍ୟତାମୂଳକ ରହିଛି । ଏହି ମୃତ୍ୟୁରେ ଆଇନ୍ ତା’ର ନିଜ ଦାୟିତ୍ୱ ନିର୍ବାହ କରୁଛି ବୋଲି ଟ୍ୱିଟ୍ କରିଛନ୍ତି ଶ୍ରୀ ବୋଥ୍ରା ।

Section 174 of CrPC mandates an enquiry into every unnatural death. The law has this responsibility towards the dead.

Doesn’t the family deserve to know the actual reasons behind the unfortunate incident. Or should they be satisfied with conclusions arrived at by news anchors? https://t.co/ADAOLhftDG

— Arun Bothra (@arunbothra) June 15, 2020

ରବିବାର ସକାଳେ ସୁଶାନ୍ତଙ୍କର ମୁମ୍ବାଇସ୍ଥିତ ବାସଭବନରେ ମୃତ୍ୟୁ ହୋଇଥିବା ଜଣା ପଡ଼ିଥିଲା ।