ସମ୍ବଲପୁର: ହୀରାକୁଦ ଜଳଭଣ୍ଡାରରୁ ଚଳିତବର୍ଷର ପ୍ରଥମ ବନ୍ୟା ଜଳ ନିଷ୍କାସିତ ହୋଇଛି । ପାରମ୍ପରିକ ପୂଜାର୍ଚ୍ଚନା ପରେ ଗେଟ୍ ଖୋଲିଛି । ପ୍ରଥମେ ଖୋଲାଗଲା ଡ୍ୟାମର ୭ ନମ୍ବର ସ୍ଲୁଇସ୍ ଗେଟ୍ । ହୀରାକୁଦ ଜଳଭଣ୍ଡାରରେ ବର୍ତ୍ତମାନ ୬୧୮ ଫୁଟ ପାଣି ରହିଛି । ଡ୍ୟାମର ଜଳ ଧାରଣା କ୍ଷମତା ରହିଛି ୬୩୦ ଫୁଟ୍ । ଉପରମୁଣ୍ଡରେ ବର୍ଷା ପରେ ପ୍ରଥମ ଗେଟ୍ ଖୋଲିଛି । ଆଗକୁ ସ୍ଥିତି ଦେଖି କେତୋଟି ଗେଟ୍ ଖୋଲାଯିବ ନିଷ୍ପତ୍ତି ନେବେ ଡ୍ୟାମ୍ କର୍ତ୍ତୃପକ୍ଷ ।
ହୀରାକୁଦ ଡ୍ୟାମର ଗେଟ୍ ଖୋଲିବା ପୂର୍ବରୁ ତଳି ଅଞ୍ଚଳ ଲୋକଙ୍କୁ ସଚେତନ କରାଇଥିଲା ଜିଲ୍ଲା ପ୍ରଶାସନ । ହୀରାକୁଦ, ବୁର୍ଲା ଓ ସମ୍ବଲପୁର ମହାନଗର ନିଗମ ଅଞ୍ଚଳରେ ଡାକବାଜି ଯନ୍ତ୍ର ଜରିଆରେ ସଚେତନ କରାଯାଇଥିଲା । ସେହିପରି ମହାନଦୀ ଅବବାହିକାରେ ଥିବା ଅଞ୍ଚଳଗୁଡ଼ିକୁ ଆଲର୍ଟ ରହିବା ପାଇଁ କୁହାଯାଇଥିଲା ।
Comments are closed.