ଟୋକିଓ ଅଲିମ୍ପିକ୍ସ ପାଇଁ ଭାରତୀୟ ମହିଳା ହକି ଦଳ ଘୋଷିତ, ଓଡିଆ ଝିଅ ଦୀପଗ୍ରେସ ଏକ୍କାଙ୍କୁ ସୁଯୋଗ

ଭୁବନେଶ୍ୱର: ଆଗାମୀ ଟୋକିଓ ଅଲିମ୍ପିକ୍ସ ପାଇଁ ଗୁରୁବାର ହକି ଇଣ୍ଡିଆ ୧୭ଜଣିଆ ଭାରତୀୟ ମହିଳା ଦଳ ଘୋଷଣା କରାଯାଇଛି । ଏହି ଟିମରେ ଜଣେ ମାତ୍ର ଓଡିଆ ଝିଅ ଦୀପଗ୍ରେସ ଏକ୍କାଙ୍କୁ ସୁଯୋଗ ମିଳିଛି । ରିଓ ଅଲିମ୍ପିକ୍ସରେ ୪ଜଣ ଓଡିଆଙ୍କୁ ସୁଯୋଗ ମିଳିଥିଲା । ଯାହାକୁ ନେଇ ଓଡିଶା ହକିପ୍ରେମୀ ସାମାନ୍ୟ ନିରାଶ ଅଛନ୍ତି । ଚୂଡାନ୍ତ ଦଳରେ ୮ଜଣ ଅଭିଜ୍ଞ ଓ ସମାନ ସଂଖ୍ୟକ ନବାଗତଙ୍କୁ ସୁଯୋଗ ମିଳିଛି । ଓଡିଶାର ନମିତା ଟପ୍ପୋ,ଲିଲିମା ମିଞ୍ଜ ଓ ରଶ୍ମିତା ମିଞ୍ଜଙ୍କୁ ଷ୍ଟାଣ୍ଡବାଇ ଖେଳାଳି ଭାବେ ରଖାଯାଇଛି । ବାଙ୍ଗାଲୋରର ସାଇ ସେଂଟରରେ ଖେଳାଳିମାନଙ୍କ ଅଭ୍ୟାସ ଜାରୀ ରହିଛି । ଜୁଲାଇ ୨୪ରୁ ଅଗଷ୍ଟ ୬ ପର୍ଯ୍ୟନ୍ତ ଟୋକିଓ ଅଲିମ୍ପିକ୍ସ ଆୟୋଜିତ ହେବ ।ଭାରତୀୟ ମହିଳା ହକି ଦଳ- ଗୋଲକିପର: ସବିତା, ଡିଫେଣ୍ଡର: ଦୀପଗ୍ରେସ ଏକ୍କା, ନିକ୍କି ପ୍ରଧାନ, ଗୁରଜିତ କୌର, ଉଦିତା, ମିଡ ଫିଲ୍ଡର: ନିଶା, ନେହା, ସୁଶୀଲା ଚାନୁ, ପୁଖରାମ୍ବମ, ମୋନିକା, ନଭଜୋତ କୌର, ସାଲିମା ଟେଟେ ଫରୱାର୍ଡ: ରାନ. ନବନୀତ କୌର, ଲାଲରେମସିଆମି, ବନ୍ଦନା କାଟାରିୟା, ଶର୍ମିଳା ଦେବୀ ।