ଆସନ୍ତୁ ଜାଣିବା କିପରି ଗୋଟିଏ ଫଟୋ ରୀତାଙ୍କୁ ଭିକାରୀରୁ ସେଲିବ୍ରେଟି କରିଦେଲା

ମାନିଲା: ଫିଲିପାଇନ୍ସର ସଡକରେ ରୀତା ଗାଭିଓଲା ନାମକ ଯୁବତୀ ବୁଲି ବୁଲି ଭିକ ମାଗୁଥିଲେ । ସେ କେବେ ବି ଭାବି ନ ଥିଲେ ଯେ ଦିନେ ସୋସିଆଲ ନେଟୱର୍କିଂ ସାଇଟରେ ସେଲିବ୍ରେଟି ପାଲଟିଯିବେ । ଲୁକବାନ ସହରରେ ଫଟୋଗ୍ରାଫର ଟୋଫର କ୍ୱିଟୋ ରୀତାଙ୍କୁ ଦେଖିଥିଲେ । ସେ ତାଙ୍କ ଲୁକରେ ପ୍ରଭାବିତ ହୋଇ ଫଟୋ ଉଠାଇଥିଲେ । ପରେ ସେହି ଫଟୋକୁ ସୋସିଆଲ ସାଇଟରେ ଶେୟାର କରିଥିଲେ ।ଏହା ରୀତାଙ୍କ ଜୀବନର ଗତିପଥ ବଦଳାଇ ଦେଇଥିଲା । ଫଟୋ ଭାଇରାଲ ହେବା ପରେ ବିଭିନ୍ନ ଫେଶନ ବ୍ରାଣ୍ଡ ତାଙ୍କୁ ମଡେଲ ଭାବେ ନେଇଥିଲେ । ବିଭିନ୍ନ ମହଲରୁ ଟଙ୍କାର ସୁଅ ଛୁଟିଥିଲା । ମଡେଲିଂ ଦୁନିଆରେ ତାଙ୍କ ନାମ ବେଡଜାେଓ ଗାର୍ଲ ରଖାଯାଇଛି । ରୀତାଙ୍କ ୫ ଭାଇ ଓ ଭଉଣୀ । ମାଆ ଘରେ ଘରେ ବୁଲି କାମ କରନ୍ତି ଓ ବାପା ଦିନ ମଜୁରିଆ କାମ କରନ୍ତି ।