ଚର୍ମକୁ ଚମକ ପ୍ରଦାନ କରେ ନଡ଼ିଆ ତେଲ

ଓଡ଼ିଶା ସମ୍ବାଦ ବ୍ୟୁରୋ: ଯେତେବେଳେ ଆମେ ଚର୍ମର ଯତ୍ନ ବିଷୟରେ ଆଲୋଚନା କରୁ, ଆମେ ସାଧାରଣତଃ ତ୍ୱଚାର ସୌନ୍ଦର୍ଯ୍ୟ ବିଷୟରେ ଚିନ୍ତା କରୁ। କିନ୍ତୁ ହାତ, ଗୋଡ଼ ଏବଂ ପାଦର ସମାନ ଯତ୍ନ ନେବା ଜରୁରୀ। ଯେତେବେଳେ ଆପଣ ଏକ ସୁନ୍ଦର ପୋଷାକ ପିନ୍ଧନ୍ତି, ଶରୀରର ଅବଶିଷ୍ଟ ଅଂଶ ମଧ୍ୟ ଆପଣଙ୍କ ଚେହେରା ପରି ପରିଷ୍କାର ଏବଂ ଉଜ୍ଜ୍ୱଳ ଦେଖାଯିବା ଉଚିତ୍। ବଡି ପଲିସିଂ ହେଉଛି ଏକ ପଦ୍ଧତି ଯାହା ଦ୍ୱାରା ହାତ-ଗୋଡ଼ ଯଥେଷ୍ଟ ଆର୍ଦ୍ରତା ପାଇଥାଏ। ଫଳରେ ଉଜ୍ଜ୍ୱଳ ଏବଂ ଡେଡ୍ ସ୍କିନ୍ ସେଲଗୁଡିକ ହଟାଇବାରେ ସାହାଯ୍ୟ କରେ। ତେବେ ଏହି ବଡ଼ି ପଲିସିଂ ପାଇଁ ସର୍ବତ୍ତୋମ ହେଉଛି ନଡ଼ିଆ ତେଲ। ତେବେ ଆସନ୍ତୁ ଜାଣିବା ଏହାକୁ କିପରି ବ୍ୟବାହର କରାଯାଇ ପାରିବ।

ତ୍ୱଚାରେ ଥିବା ମଶ୍ଚରାଇଜିଂ ଗୁଣ ପାଇଁ ନଡିଆ ତେଲ ବେଶ ଜଣାଶୁଣା। ଏହା ଚର୍ମରୁ ଡେଡି ସ୍କିନ୍ ସେଲଗୁଡ଼ିକୁ ହଟାଇବାରେ ସାହାଯ୍ୟ କରେ ଏବଂ ଚର୍ମକୁ ଦାଗଠାରୁ ଦୂରରେ ରଖିବାରେ ମଧ୍ୟ ସାହାଯ୍ୟ କରିଥାଏ। ଏହା ସହିତ ଶରୀରକୁ ମାଲିସ କରିବା ଦ୍ୱାରା ମାଂସପେଶୀ ଆରାମଦାୟକ ଅନୁଭବ କରିଥାଏ ଏବଂ ମାଂସପେଶୀ ଚାପ କମାଇବାରେ ମଧ୍ୟ ସାହାଯ୍ୟ କରିଥାଏ। ଚର୍ମରେ ଟ୍ୟାନିଂ ଦେଖାଗଲେ କିମ୍ବା ଚର୍ମ ଅତ୍ୟଧିକ ଶୁଷ୍କ ହେଲେ ମଧ୍ୟ ଆପଣ ନଡ଼ିଆ ତେଲ ସାହାଯ୍ୟରେ ଶରୀର ପଲିସିଂ କରିପାରିବେ।

ଷ୍ଟିମ ବାଥ୍…
ବଡି ପଲିସିଂ କରିବାକୁ ହେଲେ ସର୍ବ ପ୍ରଥମେ ଗାଧୋଇବା ପାଇଁ ହାଲୁକା ଉଷୁମ ପାଣି ନିଅନ୍ତୁ ଏବଂ ସେଥିରେ ଲେମ୍ବୁ ରସ ମିଶାନ୍ତୁ। ଏହା ଡେଡ୍ ସ୍କିନକୁ କୋମଳ କରିବ। ଫଳରେ ଏହାକୁ ଆପଣ ସହଜରେ ହାଟାଇ ପାରିବେ। ଏହି ପାଣି ଚର୍ମରେ ଜମା ହୋଇଥିବା ଜୀବାଣୁକୁ ମଧ୍ୟ ଦୂର କରେ।

ହଳଦୀ…
ଆପଣଙ୍କୁ ଏକ ପାତ୍ରରେ ନଡ଼ିଆ ତେଲ ନେଇ ଏଥିରେ ଅଧା ଚାମଚ ହଳଦୀ ମିଶାନ୍ତୁ। ବର୍ତ୍ତମାନ ଏହି ତେଲକୁ ହାତ, ପାଦ, ବେକ, ପେଟ ଇତ୍ୟାଦିରେ ଘଷନ୍ତୁ ଏବଂ ହାଲୁକା ହାତରେ ମସାଜ୍ କରନ୍ତୁ। ଆପଣ ଅତି କମରେ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ମସାଜ୍ କରିପାରିବେ।

ସ୍କ୍ରବ୍ ତିଆରି କରନ୍ତୁ…
ବଡ଼ି ପଲିସିଂର ପରବର୍ତ୍ତୀ ପଦକ୍ଷେପ ହେଉଛି ସ୍କିନରୁ ସ୍କ୍ରବ କରିବା। ସ୍କ୍ରବିଙ୍ଗ୍ ଚର୍ମର ମୃତ କୋଷଗୁଡ଼ିକୁ ହଟାଇବାରେ ସାହାଯ୍ୟ କରେ ଏବଂ ଚର୍ମ ଚମକ ଦେଖାଯିବ। ଏହି ବଡି ସ୍କ୍ରବକୁ ପ୍ରସ୍ତୁତ କରିବା ପାଇଁ ଅଧା କପ୍ କଫି ନେଇ ସେଥିରେ ସମାନ ପରିମାଣର ବ୍ରାଉନ୍ କିମ୍ବା ଧଳା ଚିନି ଏବଂ ନଡିଆ ତେଲ ମିଶାନ୍ତୁ। ପ୍ରସ୍ତୁତ ହୋଇଯିବ ବଡ଼ି ସ୍କ୍ରବ। ତା’ପରେ ଧୋଇ ଦିଅନ୍ତୁ। ଆପଣ ଏହାକୁ ପ୍ରୟୋଗ କରିବା ମାତ୍ରେ ଚର୍ମ ନରମ ହୋଇଯିବ।

ବିଶେଷ ଧ୍ୟାନ ଦିଅନ୍ତୁ, ଆପଣ ସ୍କ୍ରବ୍କୁ ଚର୍ମ ଉପରେ ଖରାପ ଭାବରେ ଘଷନ୍ତୁ ନାହିଁ କାରଣ ଏହା ଚର୍ମର ପ୍ରତିରକ୍ଷା ସ୍ତରକୁ ନଷ୍ଟ କରିପାରେ। ଏହା ବ୍ୟତୀତ ଆପଣଙ୍କ ଶରୀରରେ ଯଦି କୌଣସି ଆଘାତ ଥାଏ ତେବେ ସେହି ସ୍ଥାନରେ ସ୍କ୍ରବ୍ ବ୍ୟବହାର କରିବା ଅନୁଚିତ୍।