ୟୁକ୍ରେନରୁ ଭାରତୀୟଙ୍କୁ ଉଦ୍ଧାର ପାଇଁ ରୋମାନିଆ ଗଲା ବାୟୁସେନାର C-17 ଏୟାରକ୍ରାଫ୍ଟ

ନୂଆଦିଲ୍ଲୀ: ଯୁଦ୍ଧଗ୍ରସ୍ତ ୟୁକ୍ରେନରୁ ଭାରତୀୟଙ୍କୁ ଉଦ୍ଧାର ପାଇଁ ଜୋରଦାର ଉଦ୍ୟମ ଚାଲିଛି । ଅପରେସନ୍ ଗଙ୍ଗାରେ ସ୍ୱଦେଶ ଫେରୁଛନ୍ତି ଭାରତୀୟ । ଏହି ଅଭିଯାନରେ ଏବେ ସାମିଲ ହୋଇଛି ଭାରତୀୟ ବାୟୁସେନା । ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶ ପରେ ବାୟୁସେନାର C-17 ଏୟାରକ୍ରାଫ୍ଟ ରୋମାନିଆ ଯାତ୍ରା କରିଛି । ଆଜି ଭୋର ୪ଟାରେ ଏହି ବିମାନ ଦିଲ୍ଲୀ ସ୍ଥିତ ହିଣ୍ଡନ ଏୟାରବେସରୁ ଉଡ଼ାଣ ଭରିଛି ।

C-17 ଏୟାରକ୍ରାଫ୍ଟ ଏକାଥରକେ ୩୦୦-୪୦୦ ଲୋଙ୍କୁ ଆଣିପାରିବ । ଗତବର୍ଷ ଆଫଗାନିସ୍ତାନରେ ସେନା ଓ ତାଲିବାନୀଙ୍କ ଲଢ଼େଇ ଭିତରେ ସେଠାରୁ ଭାରତୀୟଙ୍କୁ ଉଦ୍ଧାର ଅଭିଯାନରେ ବାୟୁସେନା ସାମିଲ ହୋଇଥିଲା । ସେତେବେଳେ C-17 ଏୟାରକ୍ରାଫ୍ଟରେ ସ୍ୱଦେଶ ଫେରିଥିଲେ ଭାରତୀୟ ।

#WATCH | Delhi: Indian Air Force’s C-17 transport aircraft takes off from its home base in Hindan for Romania to bring back Indian citizens from #Ukraine #OperationGanga pic.twitter.com/fN1aHIKNRj

— ANI (@ANI) March 1, 2022

ବର୍ତ୍ତମାନ ଅପରେସନ୍ ଗଙ୍ଗାରେ ଏୟାର ଇଣ୍ଡିଆ, ଇଣ୍ଡିଗୋ ଓ ସ୍ପାଇସଜେଟ୍ ବିମାନ ସାମିଲ ହୋଇଛନ୍ତି । ହଙ୍ଗେରା, ରୋମାନିଆ ଓ ପୋଲାଣ୍ଡ ଦେଇ ୟୁକ୍ରେନରୁ ଭାରତୀୟଙ୍କୁ ଫେରାଇ ଅଣାଯାଉଛି । ଗତକାଲି ୬୧୬ ଭାରତୀୟ ସ୍ୱଦେଶ ଫେରିଥିଲେ ।

#WATCH | Visuals of Indian Air Force’s C-17 transport aircraft carrying humanitarian assistance. The aircraft left for Romania at 4 am this morning pic.twitter.com/Rz90ysVUtf

— ANI (@ANI) March 2, 2022