ନୂଆଦିଲ୍ଲୀ: ଭାରତରେ ଅନେକ ଲୋକ ମଶା ପାଇଁ କଲବଲ ହୁଅନ୍ତି । ଏମିତିକି ମଣିଷ ଜୀବନ ମଧ୍ୟ ନେଇଯାଇଥାଏ ମାଶା । ଯଦି ଆମେ ପରିସଂଖ୍ୟାନ ଉପରେ ନଜର ପକାଇବା ତେବେ ପ୍ରତିବର୍ଷ ମଶା କାରଣରୁ ବିଶ୍ୱରେ ପ୍ରାୟ ୧୦ ଲକ୍ଷ ଲୋକଙ୍କ ଜୀବନ ଯାଉଛି। କିନ୍ତୁ ଆପଣ ଜାଣନ୍ତି କି, ବିଶ୍ୱରେ ଏକମାତ୍ର ଏକ ଦେଶ ଅଛି ଯେଉଁଠାରେ ମଶା ଆଦୌ ମଶା ନାହାନ୍ତି? ହୁଏତ ଆପଣଙ୍କୁ ଏହା ଆଶ୍ଚର୍ଯ୍ୟ ଲାଗୁଥାଏ ପରେ, କିନ୍ତୁ ଏହା ସତ । ବିଶ୍ୱରେ ଏମିତି ଏକ ଗୋଟିଏ ଦେଶ ରହିଛି ଯେଉଁଠି ଆଦୌ ମଶା ନାହିଁ ।
ବିଶ୍ୱର ପ୍ରାୟ ସମସ୍ତ ଦେଶରେ ମଶାଙ୍କ ଆତଙ୍କ ଦେଖାଯାଏ। ଅନୁକୂଳ ପାଗ ଆସିଲେ ମଶା ଲୋକଙ୍କ ଜୀବନକୁ ଦୁର୍ବିସହ କରିଦିଅନ୍ତି। ମଶା ଦ୍ୱାରା ବିଭିନ୍ନ ରୋଗ ମଧ୍ୟ ବ୍ୟାପାଇଥାନ୍ତି। କିନ୍ତୁ ଆପଣ ଅନୁମାନ କରିପାରିବେ କି, ସେହି ଏକମାତ୍ର ଦେଶ କେଉଁଟି ଯେଉଁଠାରେ ମଶା ନାହାନ୍ତି? ଫ୍ରାନ୍ସ, ସ୍ୱିଜରଲ୍ୟାଣ୍ଡ, ଆୟାରଲ୍ୟାଣ୍ଡ କିମ୍ବା ଆମେରିକା ନୁହେଁ। ଏହି ସମସ୍ତ ଦେଶରେ ଅନୁକୂଲ ଋତୁରେ ମଶା ଦେଖାଦିଅନ୍ତି। କିନ୍ତୁ ବିଶ୍ୱରେ କେବଳ ଗୋଟିଏ ଦେଶ ଅଛି, ଯେଉଁଠାରେ ମଶା ଆଦୌ ଦେଖାଯାନ୍ତି ନାହିଁ। ସେହି ଦେଶର ନାମ ହେଉଛି ଆଇସଲ୍ୟାଣ୍ଡ।
ଆଇସଲ୍ୟାଣ୍ଡ ହେଉଛି ବିଶ୍ୱର ଏକମାତ୍ର ମଶା-ମୁକ୍ତ ଦେଶ। ଆଶ୍ଚର୍ଯ୍ୟର କଥା, ଏହାର କାରଣ କେହି ସ୍ପଷ୍ଟ ଭାବେ ଜାଣିନାହାନ୍ତି। ଆଇସଲ୍ୟାଣ୍ଡ ଅଣ୍ଟାର୍କଟିକା ପରି ଏତେ ଥଣ୍ଡା ନୁହେଁ। ଏଠାରେ ମଶାଙ୍କ ପ୍ରଜନନ ପାଇଁ ଉପଯୁକ୍ତ ସ୍ଥାନ ଓ ଝିଲର ମଧ୍ୟ ଅଭାବ ନାହିଁ। ଆଇସଲ୍ୟାଣ୍ଡର ପଡ଼ୋଶୀ ଦେଶ ନରୱେ, ଡେନମାର୍କ, ସ୍କଟଲ୍ୟାଣ୍ଡ ଏବଂ ଏପରିକି ଗ୍ରୀନଲ୍ୟାଣ୍ଡରେ ମଶା ଦେଖାଯାଆନ୍ତି। କିନ୍ତୁ ଆଇସଲ୍ୟାଣ୍ଡରେ ମଶା କାହିଁକି ନାହାନ୍ତି, ତାହା ଏକ ରହସ୍ୟ ହିଁ ରହିଯାଇଛି। ବୈଜ୍ଞାନିକମାନେ ମଧ୍ୟ ଏହାର କାରଣ ଖୋଜିବାକୁ ଚେଷ୍ଟା କରିଛନ୍ତି, କିନ୍ତୁ ସ୍ପଷ୍ଟ ଉତ୍ତର ମିଳିନାହିଁ। ତେବେ, ଆଇସଲ୍ୟାଣ୍ଡର ଏହି ମଶା-ମୁକ୍ତ ପରିବେଶ ଏହାର ବାସିନ୍ଦାଙ୍କ ପାଇଁ ଏକ ବଡ଼ ଆଶୀର୍ବାଦ। ଯେଉଁଠାରେ ମଶାଙ୍କ ଭଣଭଣ ନାହିଁ, ରୋଗର ଭୟ ନାହିଁ, ସେଠାରେ ଜୀବନ ନିଶ୍ଚିତ ଭାବେ ଅଧିକ ଶାନ୍ତିପୂର୍ଣ୍ଣ ଓ ସୁଖଦାୟୀ।
Comments are closed.