ଭୁବନେଶ୍ବର: ବାସ୍ତୁ ଶାସ୍ତ୍ରରେ କିଛି ଜିନିଷକୁ ଶୁଭ ସଙ୍କେତ ଭାବରେ ବିବେଚନା କରାଯାଏ। ବିଶ୍ୱାସ କରାଯାଏ ଯେ ଯଦି ଆପଣଙ୍କୁ କିଛି ଶୁଭ ଖବର ମିଳିବାର ଅଛି କିମ୍ବା ଆପଣ ଧନ ଲାଭ କରିବାକୁ ଯାଉଛନ୍ତି, ତେବେ ଦେବୀ ଲକ୍ଷ୍ମୀ ଆପଣଙ୍କ ପାଖକୁ ଆସିବା ପୂର୍ବରୁ କିଛି ସଙ୍କେତ ଦିଅନ୍ତି। ପ୍ରତ୍ୟେକ ବ୍ୟକ୍ତି ଚାହାଁନ୍ତି ଯେ ମା ଲକ୍ଷ୍ମୀଙ୍କ ଆଶୀର୍ବାଦ ତାଙ୍କ ଉପରେ ରହୁ ।
-ଯଦି ଆପଣ ଘରୁ ବାହାରକୁ ଯିବା ସମୟରେ କିଛି ଦିନ ଧରି କ୍ରମାଗତ ଭାବେ ବହୁତ ପିମ୍ପୁଡ଼ିମାନଙ୍କୁ ଦେଖନ୍ତି, ତେବେ ବୁଝିଯାଆନ୍ତୁ ଯେ ଦେବୀ ଲକ୍ଷ୍ମୀ ଆପଣଙ୍କ ଉପରେ ତାଙ୍କର ବିଶେଷ ଆଶୀର୍ବାଦ ବର୍ଷା କରିବାକୁ ଯାଉଛନ୍ତି। ଏପରି ସ୍ଥିତିରେ ସେହି ପିମ୍ପୁଡ଼ିମାନଙ୍କୁ ମାରିବା କିମ୍ବା ଘଉଡ଼ାଇବା ପରିବର୍ତ୍ତେ, ଆପଣ ସେମାନଙ୍କୁ ଅଟା କିମ୍ବା ଚିନି ଖାଇବାକୁ ଦିଅନ୍ତୁ। ଏହାଦ୍ବାରା ଦେବୀ ଲକ୍ଷ୍ମୀଙ୍କୁ ପ୍ରସନ୍ନ ହୋଇଥାନ୍ତି ।
-ଯଦି ଆପଣ ସ୍ୱପ୍ନରେ ଜଣେ ମହିଳାଙ୍କୁ ଲାଲ ଶାଢ଼ି ପିନ୍ଧିଥିବା ଦେଖନ୍ତି, ତେବେ ଏହାର ସ୍ପଷ୍ଟ ଅର୍ଥ ହେଉଛି ଯେ ଦେବୀ ଲକ୍ଷ୍ମୀ ଆପଣଙ୍କ ଉପରେ ତାଙ୍କର ଆଶୀର୍ବାଦ ବର୍ଷା କରିବାକୁ ଯାଉଛନ୍ତି।
-ଯଦି ଆପଣଙ୍କ ଘରକୁ ବିଲେଇ ଆସି ଛୁଆକୁ ଜନ୍ମ କରୁଛି, ତେବେ ବୁଝିନିଅନ୍ତୁ ଯେ ଆପଣଙ୍କର ଭଲ ସମୟ ଆରମ୍ଭ ହୋଇଗଲାଣି । ଏହା ଦେବୀ ଲକ୍ଷ୍ମୀଙ୍କ ଆଗମନର ସଙ୍କେତ। ବିଲେଇକୁ ଘଉଡ଼ାଇ ଦେବା ପରିବର୍ତ୍ତେ, ତାକୁ ପିଇବା ପାଇଁ କ୍ଷୀର ରଖନ୍ତୁ।
-ଯଦି ଆପଣ ଶୋଇବା ସମୟରେ ପେଚା, ମୟୂର, ଗରୁଡ଼ କିମ୍ବା ଗଙ୍ଗା ନଦୀ ଦେଖୁଛନ୍ତି, ତେବେ ଏହାର ସ୍ପଷ୍ଟ ଅର୍ଥ ହେଉଛି ଯେ ଆପଣଙ୍କର ଆର୍ଥିକ ସ୍ଥିତିରେ ଉନ୍ନତି ହେବାକୁ ଯାଉଛି। ଦେବୀ ଲକ୍ଷ୍ମୀ ଆପଣଙ୍କ ଉପରେ ତାଙ୍କର କୃପା ବର୍ଷା କରିବାକୁ ଯାଉଛନ୍ତି।
-ଯଦି ଆପଣଙ୍କ ଘରେ ଥିବା ତୁଳସୀ ଗଛ ହଠାତ୍ ଘଞ୍ଚ ସବୁଜ ହୋଇଯାଏ, ତେବେ ଏହାର ଅର୍ଥ ହେଉଛି ଦେବୀ ଲକ୍ଷ୍ମୀ ଆପଣଙ୍କ ଉପରେ ପ୍ରସନ୍ନ ଅଛନ୍ତି ଏବଂ ଶୀଘ୍ର ଆପଣ ଧନୀ ହେବାକୁ ଯାଉଛନ୍ତି।
Comments are closed.