ବଲିଉଡ୍‌ ଫିଲ୍ମ ମାଧ୍ୟମରେ ତାଙ୍କ ସରକାର ବିରୁଦ୍ଧରେ ଚାଲିଥିବା ଷଡଯନ୍ତ୍ର ଦେଖାଇଲେ ପାକିସ୍ତାନ ପିଏମ୍‌ ଇମ୍ରାନ ଖାନ୍‌; ଭିଡିଓ ଭାଇରାଲ

ପାକିସ୍ତାନ: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ପୋଷ୍ଟ କରିବା ପରେ ଏହି ପୋଷ୍ଟ ଟ୍ୱିଟରରେ ଭାଇରାଲ ହେବାରେ ଲାଗିଛି। ଏହି ଭିଡିଓଟି ୧୯୮୪ ମସିହାରେ ମୁକ୍ତିଲାଭ କରିଥିବା ଚଳଚ୍ଚିତ୍ର ‘ଇନ୍‌କିଲାବ’ର ଏକ କ୍ଲିପ୍ ଥିଲା।

ଇମ୍ରାନ ଖାନ ହିନ୍ଦୀ ଫିଲ୍ମକୁ ତାଙ୍କ ସରକାର ବିରୁଦ୍ଧରେ କରିଥିବା ଷଡଯନ୍ତ୍ର ବିଷୟରେ କହିବାକୁ ବ୍ୟବହାର କରିଛନ୍ତି।

ନିକଟରେ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟକୁ ନେଇ ଇମ୍ରାନ ଖାନ ଲେଖିଛନ୍ତି, ଦୁର୍ନୀତିଗ୍ରସ୍ତ ମାଫିଆଙ୍କ ଦ୍ୱାରା ପ୍ରଥମ ଦିନରୁ ପିଟିଆଇ ସରକାର ବିରୋଧରେ ଯୋଜନା କରାଯାଇଛି। ତାଙ୍କ ସରକାର ବିରୋଧରେ କିପରି ଷଡଯନ୍ତ୍ର ଚାଲିଛି ସେ ବିଷୟରେ କହିବାକୁ ସେ ଏହି କ୍ଲିପ୍ ବ୍ୟବହାର କରିଥିଲେ।

ଏହି କ୍ଲିପ୍‌ରେ ଜଣେ ଦୁର୍ନୀତିଗ୍ରସ୍ତ ରାଜନେତା କାଦର ଖାନଙ୍କୁ ତାଙ୍କ ଦଳର ସଦସ୍ୟଙ୍କ ସହ ବର୍ତ୍ତମାନର ସରକାର ହଟାଇବା ପାଇଁ ଅନୈତିକ ଉପାୟ ବିଷୟରେ କଥାବାର୍ତ୍ତା ହୋଇଥିବା ଦର୍ଶାଯାଇଛି। ଭିଡିଓରେ ଅଭିନେତା କାଦର ଖାନ୍‌ଙ୍କ କଥାକୁ ତାଙ୍କ ରାଜନୈତିକ ପ୍ରତିଦ୍ୱନ୍ଦ୍ୱୀଙ୍କ ସହ ତୁଳନା କରିଛନ୍ତି ଇମ୍ରାନ ଖାନ।

ସାମ୍ବାଦିକ ନାଇଲା ଇନାୟତ ଟ୍ୱିଟରରେ ଇମ୍ରାନ ଖାନଙ୍କ ଦ୍ୱାରା ପୋଷ୍ଟ କରାଯାଇଥିବା ମୂଳ ଭିଡିଓର ସ୍କ୍ରିନ୍ ରେକର୍ଡିଂ ଟ୍ୱିଟ୍ କରି ଲେଖିଛନ୍ତି ଯେ, ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉଦ୍ଧାର ପାଇଁ ”ବଲିଉଡ ଭଲ।” ଇଣ୍ଟରନେଟରେ ବହୁତ ଗୁଜବ ସୃଷ୍ଟି କରିବା ପରେ ଇମ୍ରାନ ଖାନ ତାଙ୍କ ଆକାଉଣ୍ଟରୁ ଭିଡିଓ ଡିଲିଟ କରିଥିବା ଜଣାପଡ଼ିଛି।

*Good Bollywood* to the rescue of PM Imran Khan. ??‍♀️https://t.co/VOC9rissT8 pic.twitter.com/qFjfcpUex6

— Naila Inayat (@nailainayat) April 20, 2021