ଇସଲାମୋଫୋବିୟା ସହିତ ଜଡ଼ିତ ବିଷୟବସ୍ତୁ ଉପରେ ନିଷିଦ୍ଧାଦେଶ ଜାରି କରିବାକୁ ମାର୍କ ଜୁକରବର୍ଗଙ୍କୁ ଚିଠି ଲେଖିଲେ ପିଏମ୍‌ ଇମ୍ରାନ୍‌ ଖାନ୍‌

ଇସଲାମାବାଦ: ପାକିସ୍ତାନୀ ପ୍ରଧାନମନ୍ତ୍ରୀ ଇମ୍ରାନ ଖାନ ଫେସବୁକ ସିଇଓ ମାର୍କ ଜୁକରବର୍ଗଙ୍କୁ ଚିଠି ଲେଖି ଇସଲାମ ଉପରେ ଘୃଣା ବିସ୍ତାର କରୁଥିବା ବିଷୟବସ୍ତୁକୁ ସମ୍ପୂର୍ଣ୍ଣ ନିଷେଧ କିମ୍ବା ନିଷିଦ୍ଧ କରିବାକୁ ଦାବି କରିଛନ୍ତି। ପ୍ରକୃତରେ, ଇମ୍ରାନ ମାର୍କ ଜୁକରବର୍ଗଙ୍କୁ ଇସଲାମ ବିରୁଦ୍ଧରେ ବିଷୟବସ୍ତୁ ଉପରେ ପ୍ରତିବନ୍ଧକ ଲଗାଇବାକୁ ଏକ ଚିଠି ଲେଖିଛନ୍ତି। ଚିଠିର ଫଟୋ ମଧ୍ୟ ନିଜ ଟ୍ୱିଟର ହ୍ୟାଣ୍ଡେଲରେ ସେୟାର କରିଛନ୍ତି ପିଏମ୍‌ ଇମ୍ରାନ୍‌ ଖାନ୍।‌

My letter to CEO Facebook Mark Zuckerberg to ban Islamophobia just as Facebook has banned questioning or criticising the holocaust. pic.twitter.com/mCMnz9kxcj

— Imran Khan (@ImranKhanPTI) October 25, 2020

ଫଟୋ ସେୟାର କରିବାବେଳେ ଇମ୍ରାନ କହିଛନ୍ତି ଯେ ଫେସବୁକ ଯେପରି ହୋଲକୋଷ୍ଟ ଉପରେ କୌଣସି ପ୍ରଶ୍ନ ଉପରେ ପ୍ରତିବନ୍ଧକ ଲଗାଇଛି, ଆମେ ଚାହୁଁଛୁ ଯେ ଫେସବୁକ୍‌ ଇସଲାମୋଫୋବିୟା ଉପରେ ପ୍ରତିବନ୍ଧକ ଲାଗୁ କରୁ।

ଇମ୍ରାନ କହିଛନ୍ତି ଯେ ଫେସବୁକ ହେଉଛି ଏମିତି ଏକ ମାଧ୍ୟମ ଯାହା ମାଧ୍ୟମରେ ଲୋକମାନେ ଅତି ସହଜରେ ପ୍ରଭାବିତ ହୁଅନ୍ତି ଏବଂ ଫେସବୁକ୍‌ରେ ଇସଲାମୋଫୋବିୟା ସହିତ ଜଡିତ ଲୋକଙ୍କ ମଧ୍ୟରେ ଇସଲାମ୍‌କୁ ନେଇ ଘୃଣା ଭାବ ସୃଷ୍ଟି କରୁଛି, ଯାହା କୌଣସି ପ୍ରକାରେ ନ୍ୟାୟଯୁକ୍ତ ନୁହେଁ।